日本九州之旅-福罔--博多(第一天)

終於有時間整理去旅行的日記lu....其實都成個月嫁啦.....

但無計, 無時間....而家先整比你哋各位好友, blog友..唔好意思啊...

日本九州之旅-福罔--博多

(第一天)

2008年11月13日(星期四)

乘坐CX6700,起飛時間8:50am直航往福罔

adam(中間肥肥哋個位)今日同老婆honeymoon呀, 大家都係今日出發, 咁有緣, 係機場到影張合照留念先. 祝您新婚愉快啊...

13:00(日本時間)抵達日本福罔

先在機場乘搭免費巴士到市營地下鐵

於福罔空港乘搭市營地下鐵空港線(1號線), 6分鐘到博多駅

買車票先...

入閘了.....

博多站(17番出口)步行--7 分鐘往Hyatt Regency Hotel

好彩係第一天個個的喼都係吉的.....

往酒店的環境

嘩....終於到Hyatt Regency Hotel (點解咁似大學的..)

放低行李後, 我哋就去醫肚了....這是我們的lunch

我的係炸蠔定食, 阿榮的係牛肉火鍋定食.

乘地下鐵空港線(1 號線) 到大濠公園站

經理捉到個月亮呀.....好勁喎....

從大濠公園站乘1號線, 坐3個站往中洲川端站, 步行10分鐘到食玩買一站過的博多運河城. (下面個兩張相), 但係這個商場勁無嘢行呀. 我認為唔駛去囉...

晚餐於4樓的拉麵主題公園享用, 我哋擇咗呢間: 龍之家

餃子+原味豚肉拉麵及肥豚肉拉麵

由於哥哥係食素的, 所以我哋五個人食完拉麵後, 搵番哥哥, 然後我哋再去同哥哥一齊食晚飯....所以我哋五個人真係肥死了....

我哋去到呢個叫做: PRONTO Cafe & Bar

我哋叫咗好多嘢食呀....有沙律, 枝豆, 巴馬火腿, 特飲, 薄餅, 蝦餅, 意粉.....

真係好飽呀...食完嘢, 我哋就坐車返酒店休息了..

沿途返酒店, 係好似香港的7-11便利店的地方買咗好多嘢食呀...

日本有以下三間常有的便利店: Family Mark, Lawson and ampm

我哋就去哂三間, 因為三間都有一啲商品唔同的.

叻叻介紹呢個蕃茄杯面, 佢話朋友介紹, 好好味嫁喎, 所以我又唔執輸, 因為香港好似真係無喎, 買番香港試吓先....

另外, 仲買咗啲日本限定的薯條, 有芝士味, 蕃薯味

仲買咗個蘆薈乳酪, 好好味啊.....

係日本的100日元店買咗啲好可愛的叉及wine stopper.

第一天的行程完畢, 明天我哋又出發去柳川觀光了. 遲啲見!