聖誕節@同時與兩家人一齊渡過

 

2008年12月25日(星期四)

 

嘩....聖誕節快樂呀....

 

今日一早打比媽咪, 睇吓媽咪有無唔舒服先,

 

打返去, 太好了, 媽咪巳經起咗身,

 

佢話好精神喎, 咁我就話起身同佢飲茶.

 

而且剛巧奶奶今日放假呀,

 

所以就約咗奶奶,老爺, 阿哥, 家姐一齊飲茶了.

 

兩家人都好耐無見面了,

 

自從媽咪有事後, 我都少咗陪奶奶出去,

 

而且我知奶奶個心都想去探媽咪的,

 

只是佢怕我哋唔方便就無出聲,

 

今日難得大家都放假, 就一齊飲吓茶, 食個包了.

 

奶奶一坐低就同媽咪雞啄唔斷lu....

 

飲完茶, 我哋請咗奶奶及家姐上嚟屋企坐吓,

 

老爺話返屋企先, 阿哥出去旺角,

 

傾吓傾吓....嘩....五點半lu.....

 

差不多了, 我哋都要走了, 都想媽咪要休息了.

 

跟住我, 老公, 奶奶及家姐就四個人去咗元朗大榮華食飯,

 

難得奶奶聖誕節放假喎....

 

而且好耐之前奶奶巳經好想去大榮華到食飯,

 

我都好耐無去, 就係咁...我哋就出發了.

 

 

蒜蓉炒豆苗

 

 

雞蛋焗魚腸

 

頭抽爆海蝦

 

 

菠蘿咕嚕肉

 

 

豬油撈飯

 

 

麵醬蒸烏頭魚

 

 

馬拉糕

 

 

 

 

 

今日好開心呀,

 

因為可以同時同媽咪及奶奶一齊渡過聖誕節....

 

以後都要咁樣呀......