冬至08@三人合作

2008年12月20日(星期六)

一年一度的冬至又到了,

媽咪呢邊我哋就早一天做節食飯,

訓醒打電話比阿哥,

約佢一齊去買餸,

老實講, 同阿哥都好耐無兩個人一齊去買嘢了,

呢種感覺真係好正啊......

真係好似電視劇咁啲倆兄妹咁freind, 我成日都幻想有呢一日.

終於都可以實現.....

而且大家仲可以一齊研究煮嘢食....

買完之後, 返到屋企, 都仲好早, 只不過是下午兩點左右.

我見還掂有時間, 媽咪又夠精神, 我就同媽咪倆個出咗去JUSCO行街lu...

我哋倆母女去咗行JUSCO的超市,

買咗好多嘢啊.....

行行吓, 望吓個鐘都成差不多五點lu....我哋就坐車返屋企了,

因為我要準備今晚的冬至晚飯.

洗吓, 切吓, 就開始我, 媽咪 及阿哥一齊合作的冬至飯.

而姪仔及老公....佢倆個就最歎啦....係到等食囉!

 

睇吓我哋三個人合作咗啲咩出嚟先:

媽咪整的:

~~

頭菜蒸肉餅

灼菜心

芹菜蒽段炆魔鬼魚

呢條魔鬼魚係阿哥早兩日釣的, 專登留番起今日做冬食飯先食,

我都係第一次食炸, 原來魔鬼魚啲肉好滑嫁, 唔似平時啲魚, 好好食呀.

我整的:

果皮蒸鮑魚仔

蒸前影的, 今日啲鮑魚仔好新鮮, 好大隻!

蒜蓉粉絲蒸象拔蚌仔

今日啲象拔蚌仔又係好新鮮呀, 又夠大隻, 係新墟到買餸, 真係又抵又靚啊.

阿哥整的:

薑蒽焗蠔

 

 

 

 

雖然阿嫂要返工, 阿爸又係大陸, 但係只得我哋幾個人,

一家人, 開開心心, 合作做一餐飯一齊食,

呢種感覺..實在比我中六合彩更開心, 更安心.

希望以後我哋的日子唔好再好似以前咁了...

以後我哋一家人要開開心心生活啊......