雪梨南北杏素湯

好耐無湯水飲了...因為媽咪最近也沒有時間來幫我,
到我放假, 我又懶喎 :p
但係呢幾日我喉嚨好乾, 有啲痕痕地...
我又好怕又病呀...(剛剛好番咋...)
呢種春天的天氣, 又濕又乾, 真係要潤一潤佢.
唔知係咪天氣的關係, 個腦實哂, 完全諗唔到煲咩湯??!!
只係好想飲湯...
後來敗婦小杯就見議我煲呢個素湯, 佢又知我like素湯...嘻..


呢個湯, 真係好好飲呀. 好清甜, 好滋潤,
仲要啲材料好簡單, 真係好方便.
我連續煲咗兩日, 個喉嚨真係無再痕, 潤一潤真係唔同啲.
**********************************************************************
材料:
雪梨                          2個
紅蘿蔔                      1條
南北杏                     少許
蜜棗                         2粒
陳皮                         1片
無花果                     4粒


做法:
(1) 雪梨洗淨, 一開四件, 去芯去核.  紅蘿蔔去皮洗淨, 切件.
(2) 陳皮用水浸, 刮去底部, 備用.  其餘的材料用清水洗一洗.
(3) 鍋中加入水, 放入所有材料, 先用大火煲至滾.
(4) 滾後, 轉小火, 煲兩小時.  完成.

** 我用LC鍋去煲, 這個size, 煲出我有五碗湯水飲.
** 如果煲一大煲, 多人飲, 咁就要自行加多一點材料的份量啊...
** 我沒有加鹽, 因為好夠味, 好甜嫁個湯水.