擔心

  阿榮老公返咗兩日工，第一日放工返到屋企，吃過飯後，九點左右就在沙發上睡著了，我想他今天一定很多工作做呢？

到咗第二日，由於是中秋節，他公司應該是放四點的，但因為他那一team要開會，所以遲咗放工，五點半才走得，都好呀，叫做放早咗囉！   今日是阿榮老公上班的第三天，就要返上大陸的OFFICE了，我都有點兒擔心

他呢？以後佢都要每星期返去一天，成team人就輪住返的，其實我就不是太喜歡

阿榮老公要上大陸的，相信各位都知點解啦！話哂我老公個樣都幾是正，又後生，斯斯文文咁，大家都知啦，大陸的女仔。。。。。好。。。好溫柔，好嗲嫁嗎？

所以呢。。。。我都好唔放心囉，唔係話我唔信任阿榮老公，係信唔過啲大陸女子的。

好彩大多數都唔會過夜，係即日來回，如果唔係我都唔知應該點做好，唔通真係為咗咁，叫佢辭工咩，咁又好似好唔明白事理兼唔成熟的做法。阿榮老公都好識做，佢就話要買番個眼仔，如果到時真的要過夜，起碼可以開MSN時用眼仔比我睇到佢係個邊的情況，算佢識做啦！哈哈！   隨咗呢樣之外，都緊張佢係大陸有危險，因為大陸的治安比較差，而且人生路不熟，如果出咗事就比較麻煩囉！不過，有時我都知有啲嘢係擔心唔到咁多的，有時可能越擔心就越多事發生，都係放鬆啲，比多啲支持同信心阿榮老公，咁會實際啲，我相信比多啲支持及信心佢，佢自然會知道做咩事都有個老婆係到，唔可以隨便做錯事的。