腫瘤縮細了一半啊...

 

2009年2月2日(星期一)

今日下午因為約了回去張醫生到覆診,

難得媽咪過海,

一早就約咗玲姐, 經理, clara, 飛燕佢哋飲茶.

後來仲多咗師博及ivy姐添...

佢哋好客氣話難得可以見到伯友,

今次請媽咪飲茶喎!

佢哋見到媽咪真人咁精神, 又咁多嘢講, 又食得嘢,

佢哋都好開心及放心呢?

多謝你哋啊....

跟住我哋三點左右就到了張醫生的診所,

不過巳經都坐咗一半人, 心知我哋需要book了四點,

但都知起碼要等個半鐘先有得睇,

所以我同媽咪就出咗去行街街了,

行到四點左右, 返上去, 坐咗半個鐘到啦,

就有得睇, 張醫生為媽咪照超聲波,

個腫瘤由原本的7cm縮細到4cm了, 張醫生話好理想,

張醫生話希望之後個3針可以令到個腫瘤縮到好細,

張醫生話見到媽咪咁理想,

佢同我哋講話有可能到時唔駛全個乳房切除,

可能只需切除某部份就ok, 可以保留番個乳房.

不過, 都要睇埋最後3針的反應先再作決定.

我同媽咪聽到當然開心啦...

今日係張醫生到識到幾位病友,

大家互相交流一吓.