與晴晴bb的約會及自家煮之豬潤廋肉滾'九杞'湯(內附食譜)

2009年2月7日(星期六)

 

今天很好, 睡到中午一點左右,

約了好友fion及她的囡囡'晴晴'食下午茶啊

等到阿榮老公回來

我約好了fion在銀龍茶餐廳等

晴晴好鬼得意啊..

唔知點解晴晴次次都唔肯比阿榮老公抱啊

可能因為阿榮面上有'胡蘇'啦

晴晴肯同佢玩吓笑吓的

總之就係唔肯比佢抱

笑死我同fion了

好開心晴晴識叫我做姨姨

而且仲有好多得意的表情

攪到我個心好鬼甜呢...

   

  

跟住我同fion一齊去買餸

各自買完後, 就散band了

返到屋企放低啲餸

我同阿榮老公就過去嘉湖銀座換定'游龍戲鳯'的票,

唔駛錢嫁...係叻叻比我哋的..

超級多謝叻叻啊.

然後我哋就去咗圖書館到借書

係圖書館到竟然比我發現咗

我一向好鐘意的英文小說: Shopaholic竟然有中文翻譯本喎...

呵呵呵....咁我到時每一本睇完英文版後,

就可以借本中文版嚟睇吓先

咁我就可以更加清楚了解本書啦....

不過我估都係原作英文版本會好睇的

(朋友如果怕睇英文版, 可以考慮吓中文版喎)

　

　

　

去完圖書館

又去咗我好鐘意行的jusco十元店

你話我有無買嘢了

當然係.....有啦.

下次我又會介紹吓我買咗咩比大家知...ok

再係咁買呀...遲早阿榮老公禁止我去十元店嫁了

 

 

 

睇吓今晚食咩餸:

豬潤廋肉滾'九杞'湯

蒸臘腸

薯仔煮雞翼

 

豬潤廋肉滾'九杞'湯

材料: 九杞(5元), 廋肉(10元) , 豬潤(5元), 薑數片,

紅棗5-6粒(這個可以不加)

做法:

(1) 九杞洗淨, 薑去皮切片, 紅棗去核洗淨, 備用

(2) 廋肉及豬潤洗淨, 切片,

用少許豉油, 粒, 油及粟粉拌勻, 備用

(2) 煲內加入適量的水, 加入薑片及紅棗, 煲滾

(3) 滾後, 加入廋肉滾一會, 然後加入九杞至滾

(4) 最後加入豬潤再滾一會, 加鹽調味, 完成