幸福的味道(內附食譜)

2009年2月15日(星期日)

由於琴晚好早訓咗, 今日超早起咗身啊...

見難得咁早, 又有心情喎

琴日又買咗啲木瓜

好..不如燉過木瓜嚟歎吓先...

 

南北杏蜜棗燉木瓜

好清甜, 好滋潤啊....以前都係媽咪燉比我食, 今次係我第一次自己燉啊..

食譜請按這裡.

 

 

其實咁早起身, 都幾好嫁,

巳經打掃好屋企, 又開咗部乾衣機,

潮濕的天氣嚟到了...好煩啊....啲衫又乾又濕, 好彩有部乾衣機

今日總共乾咗三次衫呀....今個月電費一定好 ' 柑' 呢

跟住同阿榮老公係到談吓心, 食吓嘢, 訓吓覺咁..

終於都有時間拆利是lu...

呢幾款上次未影相啊...補影番先...

嘩....都唔錯喎....比相像中多囉...唔捨得用添...

今日問阿榮老公今晚想食咩呀...中餐, 西餐, 日式, 意式...

老公話: 中餐啦....琴晚又食咗意式了.

咁琴日去買油時, 買夠三支以上, 送5個西蘭花

有2個送咗比晴晴媽, 咁自己就要咗3個

咁一於今晚整西蘭花啦...

西蘭花炒鮮魷

材料:

西蘭花 3個、鮮魷 1大隻、甘筍 (今次冇用)、蒜蓉、薑一片

調味料:

蝦醬(今次無用)、糖、少許生抽、生粉、水份

(如唔落蝦醬，則將蝦醬部份改為海鹽)

 

做法:

鮮魷洗淨界花後，用薑汁、麻油、胡椒粉醃好備用

西蘭花、甘筍汆水待用

大火起鑊落油，爆香蒜蓉後，落鮮魷炒香，灒酒後落鑊蓋片刻，

待鮮魷八成熟後，開鑊蓋加入西蘭花及甘筍，加入調味料炒勻即成。

 

黑椒蜜糖焗雞翼

材料:

用胡椒粉、生抽、味醂、日清麻油、黑胡椒粒醃好.

做法:

放入煎pan煎至兩面少少金黃(煎雞翼前請先預熱定個焗爐)，

然後再放入已預熱200度火之焗爐，每邊焗約9分鐘，

最後在面層搽上蜜糖再焗3分鐘即成~

 

 

 

一邊食一邊追番亞視做的新劇-----笑著活下去

因為星期四及五都出咗去食飯

要睇番啊....而家每晚都追呢套劇

好過睇無綫的韋小寶啦...超唔好睇

又cut咗好多, 而且啲女主角又唔靚,

個男主角我自己覺得佢做唔到個神韻囉...

都係以前啲好睇好多.....

就係咁...又過咗一個週未了