情人節前奏@伊呂波燒肉店

 

2009年2月13日(星期五)

今日真係好唔想返工,

返到公司真係好唔想做嘢啊....嘻嘻.

因為諗起今晚可以同阿榮老公預祝情人節

就好想快啲收工

今日諗咗好耐,

明天是情人節

整啲咩嘢食好呢????/

終於比我諗好咗lu...

上午十一時左右, 我剛走開,

返埋位, 鄧小姐話: 啱啱好了, 有人叫你去收花啊....

我有啲驚奇: 吓...收花...(個心係到諗, 老公咁sweet...)

紫色玫瑰花都幾特別啊...我都未收過

 

臨走前係公司到拆開咗個PACKING了,

因為明後兩天都不用返工

由於好大束, 所以要用兩個花樽先插得哂啊...

 

中午時, 吃過LUNCH,

約了GIGI及HING陪我去ZARA到睇男裝波鞋,

叫埋HING哥去, 係因為我之前巳睇中咗一鞋,

想搵佢幫吓手,  試比我睇吓, 著上去好唔好睇,

因為佢同我老公一樣都係咁高咁大....

試咗後, 我好LIKE呀, 因為好型, 諗到阿榮老公一定會著得好好睇,

即買, 可惜金鐘分店無碼, 最後CHECK到銅鑼灣有,

咁叫佢哋留起, 放工趕去攞了...

 

終於放工了, 立即趕去銅鑼灣的ZARA到買對波鞋先,

跟住就 '嗱嗱林'又坐返地鐵趕去晚飯地點.

今晚阿榮老公訂咗呢間幾出名的燒肉店----伊呂波

之前我哋都成日聽到朋友話好好食,

今日就試吓啦....

紫菜配海膽刺身

海膽刺身OK啦, 點都係係日本原隻開嚟食係最正的...跟本無得比.

特上肉併盤--$450元

(鹽燒和牛牛舌, 厚切胸外膜, 鹽燒西冷, 特選肉眼, 特選牛里脊肉)

雖然貴咗啲, 不過真係好好味

入口即溶, 軟化, 好爽, 每款肉都各有不同口感.

燒三文魚飯團 --- $40元

朋友介紹的燒飯團啦！

慢慢咁燒，燒到佢外面都脆卜卜，然後掃層燒汁上去，

咬落口時外脆內熱，d 飯粒真係珍珠米，好香米香味之餘仲好好口感呢！

柚子胡椒燒豬頸肉 --- $75元

有牛, 我又想試埋燒豬啊...經過幾次去日本, 我發覺日本

都好鐘意用柚子胡椒醃肉, 因為我都有買番支嚟用.

呢款燒完之後, 因為用咗柚子, 所以酸酸哋又帶點胡椒味,

唔駛成日都咁悶只用豉油呀咁普通.

每人都要掛上一條...口水堅....哈哈..

唔知點解, 一路燒都無咩油煙味嫁喎....

 

 

後記: 大家都知我哋倆個好鬼鐘意食嘢嫁啦....你哋睇到其實都唔係好多, 我哋其實食完都好似唔係好飽, 可能平時我哋多數食到好飽啦, 所以我哋細細聲講....一間要買少少嘢再食....哈哈哈....

最後, 我哋去咗CITYSUPER到買咗兩個飯團返屋企食......

 

老公見到我有個ZARA的袋, 好醒咁問: 老婆,你買咗鞋送比我呀!

我答: 係呀, 好型嫁.

老公話: 咁我即刻試吓先.

佢一打開就話: 吓...白色呀..咪好難襯囉.

我話: 你相我啦, 好型嫁, 包你試咗話靚.我擇的無錯的.

佢跟住一試, 都話: 係喎, 好型喎, 又真係白色都好好睇喎.....