粒粒士多啤梨慕絲蛋糕

原本呢個蛋糕應該係星期一晚整的,

點知當想整的時候,

發現盒cream變壞咗呀.....

無辦法啦....為有琴晚整囉..

食完飯,睇完'家好月圓'就開工了.....

不過,呢款蛋糕好容易做的,

所以好快就攪掂了...

 

材料：

全蛋1隻、砂糖35g、士多啤梨蓉105g、淡忌廉120g、魚膠粉7g、士多啤梨粒25g/隨意

做法：

以電動打蛋器將全蛋及砂糖打起至淡黃色，

加入士多啤梨蓉，攪勻成士多啤梨漿~

以電動打蛋器將淡忌廉打至7-8成企身，加入士多啤梨漿，以膠刮攪勻，再加入已座溶魚膠液攪勻成士多啤梨慕絲~

倒一半士多啤梨慕絲進凍餅模內，平均地鋪上士多啤梨粒~

再倒入餘下的士多啤梨慕絲，抹平，拿起餅模往桌上輕敲兩下~

放入雪櫃約3小時，取出後隨意加上裝飾即可~

哈哈.....我一次過做咗兩個呀....