大頭蝦----蕭師奶

  

今日真大頭蝦呀...話說如常放工返屋企,

中途收到我阿哥的來電,

因為佢去咗流浮山釣魚,

問我幾點會返到去天水圍,

佢話想比條靚魚我做餸喎,

咁梗係好啦....我都好多日無食過魚lu.

當落咗車之後, 才發現....噢...無帶屋企鎖匙呀....

立即打比阿榮老公, 問佢係邊,

佢話仲係公司呀..問我咩事,

我話我無帶鎖匙呀...跟住阿榮老公先醒起,佢出門時巳知我無帶鎖匙,

不過今日唔記得話比我知,而且佢因為唔記得而仲留係公司囉.

咁當然而家佢要立刻返屋企啦.

咁我咪先去街市到買啲蔥同芫茜及豆腐(用嚟帶飯的),

買完咪去輕鐵站到等我阿哥囉...

等到了...嘩...好大條'魚立'魚呀...新鮮新鮮...

待阿哥走後,我就去咗惠康到一邊行一邊等阿榮老公返嚟..

唔....行咗都無十分鐘...阿榮老公就打電話嚟話落車了,

我咪係屋企留吓到等佢囉.....

所以今晚夜咗煮飯了....鬼叫我咁大頭蝦咩...

 

 

條魚攞到番嚟, 我當然識得劏啦...不過...突然係到諗...

咁啲魚鱗點掘出嚟呢...我無魚檔嗰啲掘魚鱗工具喎..

哈哈...靈機一觸...試吓用個刨皮的工具先...

呵呵...

....我真叻呀...得喎...仲比我掘得好乾淨呀...

跟住就開始劏 肚了...你哋睇吓..

我劏得好乾淨嫁....

蒸好 lu.....

好新鮮,啲肉質好甜啊!

…

多謝阿哥比啲好嘢我哋呀!

仲有蒜蓉炒小棠菜

 

　

　

　

　

　

　

　

由於我哋倆個都會帶飯, 魚係好難帶飯嫁,所以我咪整啲蒸釀豆腐嚟做帶飯囉..

(我同阿老公的午餐飯盒...係咪望到都想食呢..

)