超級好友慶牛一

   

2008年9月12日星期五

 

一班好友為我慶祝牛一,

今次我擇咗係灣仔的'生記飯店'到食牛一飯,

好耐都無去呢到食飯了, 要幫趁吓先.

真係無擇錯了,

因為呢到啲餸菜水準真係一流.

全晚樣樣都好味,唔會好似有時去啲酒樓到,

梗係有一兩樣係無咁好食的.

所以大家都食到讚唔停口,食唔停得手了.

 

 

今年'經理'無整生日蛋糕比我呀,

因為佢前一晚為咗整奶皇月餅送比我哋,

所以就無時間整蛋糕比我lu,

變咗用'迷你奶皇月餅'做咗我今年的生日蛋糕了.

'蕉蕉'仲提番起有一年為我慶祝生日,

都係用月餅代替嫁.

 

 

另外,'經理'有個新綽號了,

就係 ----- 荷媽.

點解咁叫,因為佢係姓何,又做咗人阿媽,

而佢個女都係咁叫佢,

所以我哋會叫佢做荷媽了.

當晚荷媽仲講爛gag添...真係爛到爆呀!

荷媽你係得的!

仲有, 'ivy'姐都有個新綽號喎,

就係 -----忽必烈.

點解咁叫呢,咪就係佢初初嚟到生記,

鬼哂咁嘈話好熱呀,好熱呀,

要開大啲冷氣,

跟住食食吓,又話好凍呀,好凍呀,

咁我咪話鬼佢囉: 你都好鬼煩喎, 忽冷忽熱.

跟住佢就自己講 : 係囉,忽冷忽熱,忽必烈.

其實係佢自己講嫁.

所以佢就叫咗做'忽必烈'了.