星期六之煮

      

今日好懶呀....亦都好爽呀..今日不用上班, 阿榮老公要上班, 我一訓就訓到中午十二點幾了,起身之後, 睇吓電視, 上吓網,然後呢...因為奶奶嗰日食完我整的醉鴨舌,原來佢第二日買咗兩pack鴨舌比我,佢臨番屋企前,講咗比我知,叫我有時間整比佢喎...(奶奶真古惑呀....買埋材料,想唔整都唔得啦.....呵呵)

所以就整咗醉鴨舌比奶奶了.然後就搵吓屋企有咩餸啦, 諗住等阿榮老公放咗工,一返嚟就有飯食了.有菜心, 有魚, 有雞翼 (全部都係老爺同奶奶買的), 好了, 咁就開始整啦..

中午

蒸魚及灼菜心

 

嘩, 食完飯, 無咩做, 抖咗一陣, 好想訓覺呀...就訓咗覺lu....一訓就訓到五點半 lu....哈哈...跟住先起身,陪老公睇吓電視, 沖澡..又開始煮晚餐了...

頭先煎雞翼時, 煎煎吓我出咗去玩電腦, 返轉頭一睇, 吓...啲雞翼燶咗, 我一見到就同阿榮老公講, 有無攪錯呀,明知煎緊雞翼, 老婆出咗去,都要幫吓眼睇吓嫁. 我一鬧完佢之後,就發咗脾氣仔出咗去.....跟住我就入番去搵老公啦, 見到阿榮老公將啲燶咗的部份逐隻逐隻剪走佢, 我就同老公講, 發咗脾氣仔添, 明明係我自己唔啱, 仲要鬧你....跟住老公就話了: 咩你有發脾氣仔咩?? 老公就當好似無事發生咁.....呵呵....

 

晚餐

蒜蓉炒菜心及翠玉瓜  及 煎煮雞翼

 

自從跟咗阿榮老公之後,就淨係識得訓覺呀!

太可惡了!