Master Offcie 的Karen要調走lu.....

 

 

一早就知道隔離Master Office的Karen要調走, 雖然我同佢識咗唔係好耐, 但係佢比我的第一個印象好深刻.

當我幾年前調入嚟高等法院呢到的時候, 咁我隔離就係Master Office, 所以每日我同隔離的同事都會係走廊出面都會踫口踫面的, 咁多數都會點頭打招呼.

不過, 好老實講有啲Judicial Clerk真係幾串嫁, 就算我主動同佢哋打招呼, 有啲都唔係幾睬我囉...心諗: 咩料呀...好高級呀, 對眼生係個'頭頂'到嫁.

我唔會形容為生係'額頭', 因為額頭都可以望到人, 但係頭頂就一定望唔到啦...

但係有好幾次, 我都會踫到Karen, 佢不單會同我打招呼, 有禮貌且仲有甜美的笑容, 好親切.你會feel到佢唔係扮嘢, 係真誠咁同你打招呼個種.

日子耐咗,我哋都有一齊傾吓,發覺呢個女仔好好.

其實我好鐘意呢個同事, 因為佢真係好心地, 人又好, 又靚女, 又有禮貌, 斯文, 每次見到佢又或者同佢傾幾句都覺得好舒服, 好親切.

雖然我唔係同佢共事, 但知道佢要調走都有啲唔捨得佢嫁...因為少咗位靚女比我望喎..哈哈....但點都好啦...佢調過去係acting的, 為咗前途我當然替佢開心啦, 所以係好嘢調走, 唔捨得佢走都無計了....

我只可以講, 可以係我的人生中,大家可以識到, 係大家的福氣, 雖然我同佢可能第日都有排唔會見到, 但係心到祝福佢咪得囉....而且有緣的話,我哋一定可以再見的.

點都好..祝佢去到新office事事順利, 開開心心!

 

無同佢食飯, 為由送上一個蛋糕比你啦.....

小小心意.....

 

兩隻大懶豬

   

 

由於琴日一早出咗去, 無得訓晏啲, 所以今日我同阿榮老公,

一定要好好訓一覺先得.

通常星期日我都會比阿榮老公起得早啲,

所以我只係訓到九點鐘左右就醒咗了,

今日懶懶哋, 起咗身都唔想拖地同執屋,

但係我就自己做咗facial, 按摩, 敷mask, 做哂全套, 好正啊...

跟住係到上吓網,睇吓八卦嘢, 肚有啲肚餓, 望吓個鐘,

巳經十一點lu, 心想, 阿榮老公應該差不多起床了,

咁我就開始準備午餐.

洗米, 煮飯, 洗瓜, 切瓜, 切蒜蓉等等......

哦.....阿榮老公起身lu...

跟住我哋就食午餐了.

嘩....食完飯, 巳經好想訓覺了, 跟住開始煲我哋的'康熙帝國',

睇咗兩集,我開始好眼訓, 到咗第三集...終於頂唔順,

我就入咗房訓了, 然後連阿老公都係,

嘩...超好訓,超舒服呀...一訓就訓到晚上七點lu,

 跟住一齊起身, 阿榮老公就話快啲換衫,

我哋今晚去流浮山到吃海鮮.....

就係咁...我哋就去咗嘆海鮮餐了.

豉椒炒聖子

蒜蓉粉絲蒸貴妃蚌

清蒸鮑魚仔

鹽焗蟹   

      

椒絲腐乳炒通菜

隻蚌係大過個碗嫁.....好好味啊...

附近的商鋪

 

 

就係咁樣我哋就過咗一日好好訓同好好食的一天lu....真係超級大懶豬...

 

輕鬆一天港島遊

 

   

   

 

今日係星期六, 因為我同老公要陪阿哥去律師樓到攪工傷的事,

所以老公今日放咗假, 我哋一早就約十點半到律師樓,

所以好早就要出門 lu, 好似返工咁囉....

一傾就傾到中午十二點半了, 咁阿哥就返番入去屯門,

難得老公放假喎, 仲過咗嚟香港區, 咁梗係唔好放過咁難得的機會啦,

我哋一早就傾好今日的行程了.

先先梗係醫飽個肚先啦....我哋去咗中環的南記食碗粉先,

然後我哋就見到中旅社, 順便入去book埋去廣州的酒店,

因為我哋打算10月5日去廣州行吓...

跟住我哋周圍行, 行到去一到專買啲飾物呀, 嘢食呀,

都有好多遊客或者攝影發燒友嚟呢到,

行吓行吓...仲有好多檔係買啲'哈佬喂'的用具.

跟住我哋決定今年係屋企攪個'哈佬喂派對'.

行完呢到之後, 我哋就坐電車落咗去灣仔的298商場到睇電腦嘢了,

行咗大約半個幾鐘到啦, 我哋又搭電車去銅鑼灣行街街了.

先先嘆個下午茶先啦, 嘆完我哋去咗宜家了,

由於我哋張床比平時係高啲的, 所以有時落床時都幾危險,

老公一早就好想買個腳踏, 不過成日都一係唔記得, 一係就無帶到張禮券,

一係就唔得閒, 唔經過.

今日終於都無哂呢啲籍口了, 所以終於可以買到了,

仲買咗個餐盤添....咁我以後食飯時,都可以一次過攞多啲嘢lu

 

 

腳踏 (仲可以當'等'仔坐)

白色的就係新買的餐盤, 呢餐都係我哋的晚餐...

朋友之前送的薑醋及波仔的肉醬意粉.