終於訓到覺

嘩! 呢兩個星期真係可憐了,病到我死死吓,兩個星期前就嚴重喉嚨發炎,個口腔又生飛滋,食嘢又食唔到,講嘢又講唔到,巳經好鬼唔舒服嫁啦,睇咗醫生,食咗啲藥,開始好啲啦,點鬼知.....到咗剛剛過咗的星期日,去一去奶奶到,吹一吹風........唔駛講啦,攪到星期一發埋燒,咁咪去睇天水圍的醫生囉,個靚仔醫生仲同問我,啲藥好眼訓個喎,驚唔驚呀,我仲話,唔驚,咁你比兩日病假我,我咪係屋企到訓飽佢囉.  哈哈.....點知,食咗啲藥,鬼咁精神,唔話你知我病呀,你就咁表面睇我,仲精神過你哋呀. 啲藥攪到我足足兩日兩夜都無訓過. 好彩而家啲藥過咗,琴晚終於可以訓到了.

呢排真係好容易病,我諗除咗我真係少咗做運動之外,我的心理壓力都係其中之一的原因,因為最近煩屋企的事,講真..真係成鬼日都左諗右諗,人多咗嘢諗,煩得多,心情自然都無咁好.雖然我都好樂觀的,而且就算我真係有唔開心的事,我都會食得,笑得,玩得的.但如果真的有唔開心的事,咁我個心都會有唔舒服的時候,我諗我要慢慢放鬆吓先得,如果唔係,又病呀,我驚下次會好嚴重呀!