裝修進度@廚櫃

 

2010年6月時份

 

好耐都無update吓新居的情況

因為實在太忙太無時間了

係6月尾時, 裝修師父終於都開始裝廚櫃了

終於都可以見到真正做咗出嚟的廚櫃的顏色

因為係擇的時候

成日都好擔心, 擇的色, 做咗出嚟係唔靚的

仲有個台面的顏色, 都擔心嫁

但係...而家見到了

好鐘意啊....我都係超鐘意呢啲木的色

煮食爐的位置

個台面啲色....越睇越鐘意啊....哈哈..

到浴室了...

因為要做浴室櫃及將洗衣機放入去浴室

加上我比較喜歡要清洗浴室地下

所以要求裝修師父係地下到做番個地台

等我可以第日容易清洗

同樣係浴室

原本房署有塊鏡的

不過因為我哋自己要整啲櫃

所以裝修師父就要拆走佢

然後就要鋪番幾塊磚了...

 

暫時報告住咁多先....