我們之間的問題

你的脾氣真係越嚟越勁囉

你發脾氣就得

你一句話心情唔好就大哂

我呢....我發脾氣得唔得啊...

我一句話心情唔好又得唔得啊...

做嘢會唔會諗吓對方感受呢

唔係得你一個人嫁

對方好難受嫁...你究竟知唔知嫁...

你又知唔知好影響大家的感情嫁呢

再係咁落去...

係好唔健康的婚姻囉

你成日話明, 但行動講我知, 你唔明囉

而家咩事啫....倆公婆駛唔駛咁呀

 

我覺得我好似好乞你憎

每隔一日, 你就會為我唔知咩說話,

定係咩表情, 動作, 語氣

而令到你唔高興

我好似做咩都令你唔高興

唔鐘意

你知吾知咁的態度

攪到我自己真係好有問題

係咪我真係咁麻煩

我自知我脾氣唔好, 我有時語氣唔好

我而家咪改善緊囉

咁都要比時間我去改善嫁

我改脾氣, 除咗為咗自己身體外,

最主要係我發覺你越嚟越對我不滿

郁吓就發我脾氣

我就自我反省, 係咪自己啲脾氣真係咁差

係咪自己啲語氣衰到咁

我自知, 我有反省, 我肯改

 

次次你一唔高興

就比面色我睇

講真, 你自己諗吓, 就算你做咗一啲我唔高興的事

我都係唔高興一陣, 你拖吓我隻手, 係咁易講幾句

我都無再嬲你

但係你呢....我好唔明囉, 點解你次次都要嬲咁耐

無論我即時氹你, 你又唔領情

好啦, 你叫我唔好理你, 等你自己發一陣脾氣, 你就會無事

但係.......到我比啲空間你, 發一陣脾氣了

你咪又係咁比面色我睇

你知唔知呀...其實每次你咁的行為

hurt得我好深, 你而家脾氣越嚟越大

你自己知唔知????

我係你最close的人, 我的感受係最大

hurt得我好深....好深.....

 

有時係到諗,,,我究竟點先可以做到你滿意?

你知我係一個唔鐘意收收埋埋的人

我好著重'溝通'

我同你講, 你又唔like, 咁即係你想點啫

我只係想平淡, 開心過每一日咋

你明唔明呀...

我愛你, 我真係好愛你

愛係包含'忍耐', 體諒, 愛對方的缺點

我愛你, 我做得到

但你呢....有咩對我不滿, 你可以講我知

如果係你自己問題

係咪應該要為你愛的人而改, 而變, 而付出呢?

唔通我唔值得你為我而改, 而變, 而付出嗎?