又超busy了..

蕭c奶真係忙到爆呀

有幾編blog未寫

又有好多手作仔等住要整

又有太多活動要去

oh...都係果句...

點解咁少時間用嫁...

 

係好事??? 定係壞事???

都係好事嚟的,

咁即係証明生活過得很充實啊.

對嗎?

 

 

樂家蒸籠料理@APM

2010年7月24 (星期六)

 

今日難得可以同少爺拍吓拖

一早買定咗戲票睇反斗奇兵3

今日我要ON DUTY

所以直接約少爺係APM到等

先食過LUNCH先

原本好想試新開的‘一番’

專食咖喱的，BUT勁多人

之後試吓去另一間都係新開的

樂家蒸籠料理

上次巳經好想試，不過又係多人

好彩，今次只需要等三張枱啫

終於有得試了

MENU --- 封面有一隻雞仔及豬仔，好可愛啊。

MENU入面有幾款種類的

當然有樂家主打的-- 蒸籠系列

還有‘丼’的系列

MENU入面當然唔至上面兩個系列啦

仲有幾個系列的

不過最後我和少爺都決定擇

蒸籠及丼的系列

每個系列各選一款

樂家的碗筷很清雅

少爺點了蒸籠系列

牛小排及豬腩片蒸籠

有飯，有麵豉湯,有小食及兩款調味醬

這個蒸籠是即叫即蒸的

主菜下鋪滿什菜

少爺就略嫌牛小排及豬腩片的份量太小了

我也認同啊.

蕭C奶點了丼系列

海鮮丼

很特別, 用上串燒, 而且還很足料啊.

有兩串蝦, 一串元貝, 一串魷魚及一串魚肉

串燒下面同樣有大量什菜,

加上有小小的日本甜味醬料

好好味啊..

蒸籠比較清淡, 蒸了以後,可以食回主菜本身的原味.

丼系列濃一點點, 但又帶點點甜味, 加上主菜比較豐富.

兩者均各有各的特色及味道

還有幾款系列及小食我也想試啊

所以一定會再來啊

 

樂家蒸籠料理

 

 

蒸釀豆腐（內附食譜）

續2010年7月28日（星期三）

蔬菜巳想好了

少爺又要帶飯。。

嗯。。今晚唔想蒸魚

咁又要諗多一味先得嫁喎

行過豆腐檔，好。一於蒸個釀豆腐啦

咁又諗點一餐。

 

 

蒸釀豆腐

將豬肉切碎，醃好，釀在豆腐上

排在碟上，又係不需要加任何調味料

我剛好可以放在電飯煲內

所以直接放在飯煲內蒸，超方便啊

臨吃前一分鐘，打開飯煲，

灑上蔥花，焗一分鐘，

咁啲蔥又唔會變黃又會唔全生

咁就食得嫁了

絲瓜炒肉片（內附食譜）

 

2010年7月28日（星期三）

 

是日原定不會自家煮

本放工和少爺到傢俬公司傾埋個圖

可惜。。。突然黑雨喎

就CANCEL咗啦

咁今晚食咩好呢？？？

 

唔想再出街食了

其實只想食蔬菜啊

好掛住啲菜菜啊。。

好一於今晚自家煮吧。

 

絲瓜炒肉片

 

在街市打了一圈

看見絲瓜很靚又嫩

一於買了兩條回家

OH。。。這個絲瓜菜相當EASY

只需要把肉片醃好， 先炒至八九成熟，盛起

爆香蒜蓉，炒絲瓜一會，加入少許水，

不用加入任何調味料，

待八成熟時，加入肉片炒至全熟，即成。。

 

個人認為絲瓜本身很爽很清甜

不需要加入任何的調味料啊。。。

雨靴

呢排落狗屎咁呀。。。

好掛住以前對靚靚雨靴囉

 

反斗奇兵3

 

反斗奇兵3

 

嘩...終於等到了....

好好睇

這次包括了: 攪笑, 感情, 感動, 善惡

 

先講講, 未開場前,

有part '日與夜', 大約10分鐘左右

真係值得一讚幕後工臣

做得好靚, 好生鬼, 好好睇啊...

點解啲人咁叻的????

 

巴斯光年好攪笑, ken換衫果part勁攪鬼.

去到以為佢哋要被燒時及安仔好唔捨得佢時呢兩場戲,

真係好感動, 睇到眼濕濕.

至於3D效果, 真係唔係好得, 幾乎都無3D,

但係就收3D價錢, 就有啲唔抵囉...

呢一幕, 安仔要上大學, 開始執拾一吓自己的東西

左手胡廸, 右手巴斯光年

安仔點選擇呢????

 

至於呢一集出現咗呢位表面係好好人的'勞穌'

原來係壞人, 佢仲攪到巴斯光年變咗去講外語的mode,

勁攪笑呀...

 

搬屋又搬寫字樓

 

今年蕭C奶真係勁呀。

搬屋又搬寫字樓

OH。。。諗起兩邊都要執嘢就。。。。煩。

 

講番搬屋先

可以搬去市區，真係好開心

所以搬屋幾煩都好啦

都係開心，其實就當重新執好間屋啫

 

至於搬寫字樓嘛

梗係唔想搬啦

而家呢到個OFFICE的環境都幾好

我個位又算係自成一各

又濶喎

BUT去到新的寫字樓啊

唉。。細好多囉

不過我咁細，都唔論到我話事啦

老細話要搬就要搬啦

不過咁，有時可能搬吓環境都好的

無咁悶嘛，有個新的開始

 

好彩的係，搬屋及搬寫字樓

唔係同個時間搬

九月我先搬屋

而寫字樓暫時老細都無個期

老細就話傾得嚟

又要小小裝修

最快應該係年尾啦

 

咁就好了，無撞時間

因為搬屋又要花時間執

公司呀。。仲屎呀

勁多COURT FILE呀

諗起都怕怕

到時至算LU。。

換購沖繩書

 

去年蕭c奶同少爺去了十天

沖繩自駕遊

起正, 起relax, 起好玩

沖繩這一個地方

實在太適合我們緊張生活的香港人

 

這裡和其他的陽光海灘地方很不同

這裡的人 ---- 很輕鬆, 很自由, 很優閒, 很有禮貌,

還多了一份親切感

這裡的海 ----- 水清沙幼, 很多魚, 很乾淨

這裡的美食 ----  多得很.... 有平有貴, 有質素

這裡的住宿 ----  每一間酒店 / 民宿都有它獨一無二

的感覺, 設計

這裡的觀光景點 ---  要玩的有, 要看的有, 要知識的有,

要大自然的都有

 

我和少爺實在太愛這個地方

決定會再到這個地方

 

早前只要集齊兩期的新假期雜誌的印花

加25元就可以換購

沖繩 + 布吉 的旅遊書

 

今天終於換到了

在車上看了沖繩這本

巳教我心飛到那裡了....

今天晚上跟少爺約定

盼能下年年頭能夠去沖繩再走一轉啊....

 

若果可以在這個地方逗留兩個星期

就超超超正啊....

可以嗎....到時那要看看少爺的project了...

 

沖繩...等我們回來啊!

fit到漏

 

 

由細到大都用慣咗日本上揭式的洗衣機

初時呢間屋, 係要你將洗衣機放係廚房

而且個位仲要迫你只能用細型的大眼雞洗衣機

一向唔like大眼雞的我....

初時好唔開心嫁....

不過最後經過咗我的改動及設計

叫咗師父改位, 又經過少爺的悉心設計

將浴室門改細之後

就可以用到我喜愛的洗衣機之餘

仲可以將洗衣機放埋係浴室到

咁原本廚房的洗衣機

就可以放雪櫃係入面了...

 

琴日送了洗衣機嚟

日日都擔心個位放唔到

而家唔駛擔心了

睇吓....fit到漏呀..

放咗部洗衣機之後

我巳經開心到不得了...

真係傻傻哋嫁....如果擺埋其他電器

我諗我會笑到傻囉....

 

 

yeah....我同少爺的努力及構思

真係花咗好多心機及時間

今日見到少少的效果

之前的不愉快及辛苦

咩都唔記得哂lu....

 

發現不足，包容別人--聖嚴法師--聖緒管理47則

發現不足，包容別人

謙虛是非常重要的事，譬如在《易經》的六十四卦裡，每一卦都有凶有吉，唯有「謙」卦沒有凶，只有吉，是最好的一卦。

因為謙能夠讓，讓就能夠虛，虛才能夠容，也就是能夠包容所有的人。一個人如果能夠懂得退讓、包容別人，也就是所謂的虛懷若谷，便能夠接納百川，得到各方面的好處。

所以，能夠虛心傾聽他人意見的人，一定也能夠尊重所有的人。如果一個人沒有謙虛心，那就會自以為是，兩隻眼睛像長在頭頂上似的，怎能看得到別人呢？因為他看到的只有天，就會傲慢無禮。傲慢無禮的人會因輕視而傷害到別人，但是同樣地，他也會不受歡迎而被孤立，因為他不接受人，別人自然也不會接受他。

謙虛的確是很重要的，但是要做到卻相當不容易。因為一般人通常只看到別人的缺點、問題，看到別人對不起自己、別人不足的部分，總以為自己比別人強，貢獻比別人多，常常都是在肯定自己、否定他人，對自己的要求也總是比較慈悲一些，像這樣的人怎麼會懂得謙虛呢？

基本上，人都是凡夫，是凡夫就不可能沒有缺點。所以，我們要先檢討自己的缺點，再看看他人有沒有什麼優點值得我們學習的；檢討自己過去有哪些應該做好卻沒做好的，或是不應該做錯卻做錯的，對這些事情都應該要心生慚愧，並且積極改進。改進的方法，就是對未來要有悲願心，所謂悲願，就是希望自己從此以後要為家人、為眾生，奉獻服務，帶給他們利益，讓他們得到關懷照顧、得到幸福快樂。

有了悲願，就會感覺到自己的不足，發現要學習、努力的東西實在太多了。其實學習的機會俯拾皆是，所謂「三人行必有我師」，三個人在一起時，另外兩個人一定有自己能學到的東西。何況在我們的現實生活裡，對外的接觸面相當廣，接觸的人很多，一定有東西可以讓我們學習的。他們的表現如果是正面的，就學習他們的優點和長處；就算是負面的，也可以學習如何避免自己像他們一樣犯錯。
少批評他人，多檢討自己，向他人學習；對過去要有慚愧心，對未來要有悲願心。如果能有這樣的心態，我們就能成為一個非常謙虛的人。

冬菇鮮枝竹炆鴨掌(內附食譜)

行過街市,去凍肉鋪買鴨舌時

見到啲鮮枝竹及鴨掌好靚

心思思又未煮過呢個菜式

不如試吓啦....

 

冬菇鮮枝竹炆鴨掌

 

材料: 鴨掌 6隻, 冬菇  數隻,  鮮枝竹  適量, 薑, 蒜蓉及蔥

調味料:  蠔油, 糖, 鹽, 生抽, 老抽, 水

 

做法:

1.  先將冬菇浸軟, 備用

2.  起鑊加入油, 爆香蒜蓉及薑, 加入冬菇炒香

3. 然後加入鴨掌炒一會, 加入調咪料炆

4. 炆至九成熟後, 加入鮮枝竹炆至收汁, 即成

 

裝修進度@收納地台

 

 

2010年7月17日(星期六)

 

裝修師父話琴日會去裝收納地台

少爺琴晚自己一個人去咗新屋睇

而我因為要去做hot yoga啊...所以無得睇

不過琴晚問少爺

滿唔滿意, 靚唔靚??/

少爺都話滿意, 都幾靚嫁...

攪到蕭c奶琴晚好心急啊....

雖然少爺都用手機影咗啲相比我睇

但係...好想親眼睇啊...

 

今日放假, 好心急, 好緊張

一入屋...嘩....好靚呀...

我好滿意, 其實蕭c奶成日都好擔心

好擔心擇的顏色及款式唔靚

但係..而家做咗出嚟, 真係好滿意

 

有牀頭板呀...

收納地台的顏色係我同少爺一齊擇的

真係無擇錯...又係木色呀....

超愛木色呀....成間屋都係木色都唔厭呀

嘩....半間屋用咗做收納地台

呢邊係廰, 巳經有十多格...

可以收納勁多嘢啊....

牀的這邊收納地台

分成四個大格

其中兩格係打通的

方便用來放喼或大件的物品

打開啲收納櫃比你哋睇吓啦

其實係連我咁肥都可以放到入去嫁

所以係好深的, 可以放到好多嘢....

因為呢邊係會有個tv櫃

所以頭兩行都係會打通的

咁就方便攞出及放入啦...

就自連最低的果一級

都係可以收納嫁....

 

間屋終於都嘢睇了

而且仲攪到八八九九了

地台送到, 終於可以叫傢俬店嚟覆尺

就可以開工做傢俬

好快..好快...我哋就可以搬嘢入去新屋到了....

 

西蘭花炒鴨舌(內附食譜)

2010年7月15日(星期四)

一號風球現正懸掛

 

琴晚巳經係到諗緊煮咩餸好???

少爺今日要返琛圳的office

通常要上上落落

少爺都會好攰嫁

所以通常返琛圳的日子

我都會煮正餸

等少爺返嚟的

西蘭花炒鴨舌

 

材料: 西蘭 2棵, 鴨舌, 薑片, 蒜蓉,  辣椒絲, 蔥

調味料: 上湯, 生粉, 蠔油, 鹽, 糖及胡椒粉

做法:

(1) 燒熱水, 將鴨舌灼20分鐘, 瀝乾水後去骨備用

西蘭花出水, 備用

(2) 蔥切一吋長, 椒絲及薑片亦切成相約大小

(3) 燒熱油鑊, 爆香椒絲, 蔥, 蒜蓉及薑, 加入西蘭花炒至熟,

加入上湯, 調味料炒勻.

(4) 加入鴨舌炒勻, 即成

TIPS:

鴨舌怎樣拆骨?

1. 先將鴨舌灼熟.

2. 按着鴨舌前方, 在中間位置向上屈, 便可將中間的朋露出.

3. 沿着那條骨一直把鴨舌的皮肉退出, 把整條骨起出即可.

 

為甚麼煮出來的鴨舌會有腥味?

像鴨肉一樣, 鴨舌也會有微腥, 要除去鴨舌的腥味,

灼鴨舌時可加入薑, 蔥及酒.