子宮肌瘤講座x康保雞@Towngas

2009年11月9日(星期一)

子宮肌瘤講座x康保雞@Towngas

 

名位好, 個標題係咪好長呢....

因為我們一行五個女人仔

參加咗由Towngas舉辦的婦女講座

講題為: 子宮肌瘤

贊助商為: 活健禽畜發展公司

費用: 每位150元

其實你哋有無覺得好奇怪呢???

當初好友 '經理' 問蕭c奶

經理:  喂, Towngas攪咗個子宮肌瘤講座喎,

參加的人會送一隻雞嫁, 我參加呀, 不如你都一齊啦!

蕭c奶: (雛一雛眉頭, 即刻答) 咁攪笑??? Towngas係煮食嫁喎,

連呢啲婦女講座都攪, 仲要送隻雞????

好唔'啦更'啫.... 子宮肌瘤係婦女問題, 雞係一樣食物,

兩者混埋一齊, 仲要加埋係Towngas, 好難想像.

經理, 我都係唔去了...你去啦....

初時蕭c奶係咁樣拒絕咗經理的

不過過咗幾日後, dada參加喎, 之後又唔知同經理傾開

婦女問題, 經理又再之誠意邀請,

咁蕭c奶今次就應承咗

之後經理問埋蕉蕉及ivy

估唔到佢哋兩個都肯喎.....

我哋五個人好耐都無一齊咁樣去Towngas到了

今次剛好齊人

經理好興奮仲好期待

咁又係....呢一晚真係好似回復返去

我哋以往的時光

 

費話少講, 講吓我哋的子宮肌廇講座先

今次真係無走寶

好彩最後答應參加啫

點解?????因為真係回本呀...

可以對子宮肌瘤加深認識

仲有兩款食療試食

仲有每人都送一本食譜及dvd

仲有仲有就係...每人可以有一隻雞攞走

今次講座請來了一位中醫師講介

今日試食的兩款食療

都係由以下幾種藥材再加埋康保雞而煮成的

有以下幾款藥材:

党參, 桃仁, 益母草, 黃耆, 香附及艾葉

有活血散瘀雞粥及雞湯試食試飲

個雞湯掛住飲, 唔記得影相...

個粥加咗啲藥材, 所以有啲苦甘味

但係隻康保雞好滑呀

嘻嘻....就係呢隻雞了...

活健禽畜發展公司的郭先生話

嘉美雞適宜清蒸,炒球及凍食做手撕雞等

而呢款康保雞最適宜燉,煲湯,炆及焗雞等

大家留意吓....

蕭c奶返到屋企, 攞出嚟一望...

原來有張貼錢寫住隻雞有幾重及價錢

嘩....一睇之下.....賺咗呀賺咗呀...

賺咗一蚊雞呀

因為隻康保雞價值係151蚊啊...

嘻嘻....蕭c奶好驚喜啊...

 

經過好友經理的逐個逐個問隻雞幾錢??

最高次序為:

蕭c奶    151元

經理    148元

Ivy      127元

DaDa 110幾喎

蕉蕉  105元

哈哈....經理諗住佢自己係大贏家,

點知....爆冷喎...竟然係我...蕭c奶呀....

仲賺咗一蚊咁大把添呀....yeah!

 

仲送埋一本關於嘉美雞, 康保雞的食譜

入面有介紹呢幾款雞的資料及十幾款食譜

仲有埋一隻dvd添....

 

真係好超值呀....要諗諗隻康保雞如何煮法先??

蕭c奶打算一半用作蒸,

一半用作煲粥.

咁咪可以試到康保雞的肉質囉!