雪菜肉絲湯麵(內附食譜)@沖繩麵

 

2009年11月25日（星期三）

 

今日唔想煮飯仔

所以琴晚同咗媽咪講今晚唔好煮飯

不如煮麵食啦

媽咪都讚成, 加上其實蕭C奶好想煮

由沖繩買回來的麵

再加上又好想媽咪試食喎.

一於今晚就煮比媽咪試食吓啦...

 

今次就擇咗以下呢款

未煮前, 睇吓個麵質先, 都幾靚仔咁喎, 未食就知....好味啦!

叫咗媽咪買定啲雪菜及豬肉, 因為蕭C奶好耐無煮

呢個雪菜肉絲麵, 而且蕭C奶覺得應該都幾夾呢款沖繩麵

 

雪菜肉絲湯麵

材料:  雪菜 4元,  豬頸肉 10-15元,  麵 適量

 

做法: (1) 先將雪菜浸20至30分鐘, 沖洗, 目的為浸走多餘的咸味

最好用洗米水浸, 可以更快浸走咸味.

(2) 雪菜浸好後, 不要水份及切粒, 備用

(3) 豬頸肉洗淨, 吸去水份, 用少許鹽醃一會. 及切件備用

(記緊用很少很少就可以了)

(4) 麵,煮好後,  盛起於碗中, 備用

(5) 起鑊, 放少許油, 先炒豬頸肉一會,

然後加入雪菜炒至熟,

即可.

(6) 最後將炒好的雪菜肉絲放於麵上, 加入湯. 即成.

每人一碗, 唔駛爭, 仲有灼菜添....

個麵真係好好味, 因為好爽口, 唔淋身呀, 真係無買錯.

連媽咪一向唔多愛食粉麵, 都覺得呢款麵好好味,

夠哂爽口.

灼菜係由媽咪負責, 蕭C奶係負責煮雪菜肉絲麵呀.

倆母女, 相劍合壁, 必屬佳品了!

 

麵可以除著個人喜好, 改為上海麵, 烏冬, 米線等等

肉絲也可以改為其他豬肉的部份.

總之你哋自己任意配搭啦!