東涌海鮮行山購物一日遊
2009年11月8日（星期日）
諗住秋高天氣爽。。。點知爽過屁呀
又無太陽，一滴風都無, 天陰陰咁
人哋諗住買咗部靚相機影吓靚相嫁嘛...激屎蕭C奶了
不過算啦, 一大堆好友相聚
(雖然未齊人, 仲有哥哥, DADA, 叻叻佢哋有事嚟唔到)
得番我哋幾位都好開心呀.
經過一輪樓梯級, 終於到達咗呢個涼亭
唔係..應該係焗亭
才對啊...焗到飛起
係時候用吓部新相機
不過因為無太陽, 麻麻哋啫
而且真係好似未用到咁多功能
所以覺得暫時部機無咩特別之處啊
不過我自己覺得啲色好似實咗啲咁喎...
點解呢???又要請教吓啲攝影師兄先得
係焗亭到休息咗一陣, 我哋又前進了
行吓行吓又到咗呢個'東涌小炮台'
其實都無咩特別啫..
係呢個方向可以見到昂坪360
嘩...以我呢部半專業相機
啲360變得好細囉...
至於呢張相
真係要請教吓啲攝影師兄了
因為個境, 即係啲360呢, 又影得太光
但係就到360的話, 個人又會太暗..
怎攪???? 請各位師兄指教, 唔該!
而呢張, 影時, 係部相機的塋光幕睇
係好陰暗的, 我自己就把相機在比較光的地方
按半下快門, 以作取光, 然後才移動到這個地方
才真正按快門拍下來
只可惜....大家可以看到對面的山及水面爆咗光呢
唉...咁又應該如何影呢?
ISO要高啲, 反是曝光補償加啲呢???
通通都唔知.....如何是好?
又是請師兄教導吧.
參觀完小炮台, 再向前進發
到咗東涌道北, 呢到有好多人係到釣魚啊
真係唔知係因為天陰的問題,
還是G11的問題,
又還是自己的問題呢...
總是拍得不好看, 不滿意啊..
若果有太陽在,我想這張會算不錯吧.
見阿叔咁專心,咪又偷影吓佢囉..
我哋仲行到嚟呢間今晚吃飯的酒家添...
離開釣魚, 我哋又再出發去第二到LU...
沿路經過這些殘舊的鐵皮屋
這裡好有小漁村的風味
呢一張我係專登用部相機ZOOM埋去
都好, 超碼呢部相機可以ZOOM到咁遠
都仲可以睇得清楚個人樣
呢一張咪可以知我同佢哋有幾遠了...
都係嗰句啦...無太陽啊..好差勁...
以下呢張同跟住個張,
我用咗普通及復古對照
影咗全日, 幾白張相
最滿意係呢張...因為我自己覺得個
構圖及FEEL都好GOOD.
呢一張一般啦, 唔係話好好, 應該可以影得再好啲
殘屋一間, 都係隨便影下來
呢一張, 我都覺得OK,
用咗咗復古效果, 唔錯呀
其實係一間士多
又係隨便影吓..
木瓜樹
仙人掌
途中各人均食腸仔做小食
來張鬼馬合照吧!
點解IVY姐兩張都係同一表情....
唉....木無表情就係IVY的表情
諗起早幾年去華欣時的環境
行完之後,大家都有啲攰了
就去咗OUTLET的COFFEE SHOP到嘆杯COFFEE啦
蕭C奶及幾位朋友你都要了
OPERA CAKE
不過太甜了, 無哂opera應有的味道
無咖啡味, 杏仁味, 都係自己整的好食過佢好多.
LATTE
DDUNG 出場了.....
IVY姐, 蕭C奶及愛麗詩
ANTONY 及 經理
之後大家各自係OUTLET到購物
約好六點正在東涌地鐵站集合
出發去 '華都海鮮酒家' 吃晚飯
到咗了....夜晚就係咁的樣
坐係外面都真係幾有FEEL
不過如果日頭靚啲囉
海鮮船
有各樣海鮮, 任你哋擇
蕉蕉終於都嚟到了...
炒介蘭
椒鹽鮮魷
蕭c奶唔食得炸嘢, 只係嘗了一小啖, 唔麻麻啫,
都唔夠椒鹽, 個魷魚我覺得好細件
豉椒炒蟶子
原本想要佢出名的蟶子皇, 點知無貨.....
咁為又要番呢個細蟶子, 都好鮮甜
炒得好香啊....唔錯
薑蔥炒桶蠔
咁桶蠔不嬲都係好大隻, 唔縮水的
炒得幾好, 蠔味十足, 仲好滑添
白灼東風螺
呢個好味呀, 夠大隻, 夠鮮甜, 唔點醬都好味呢
蒜茸蒸開邊蝦
蕭c奶咯嫌太咸, 可能自己平時食慣淡口啦
覺得太咸, 無咗過鮮蝦味, 希望佢哋改進吓
魚香茄子煲
無咩特別, 貪佢可以多餸兩碗白飯啦
楊州炒飯
ok啦, 夠乾身囉....無咩油, 又夠淡口
薑蔥炒肉蟹
呢款蟹真係夠鮮甜, 我哋要了4隻, 夠哂
生炒骨
好食就好食, 不過嫌佢太小份量囉....投訴吓先...
不過佢加咗蕃茄, 但蕭c奶想講.....無用, 因為一啲蕃茄味都無
十月芥菜豆腐魚湯
個湯反而等咗半場有多, 都未送到, 中間仲吹咗幾次
萬千期待, 好彩佢係......好飲到不得了
等耐啲, 都值得的.......
好甜好有芥菜及豆腐味呀....大家都忍唔住飲咗好多
而且佢好抵飲, 因為好大碗
豉椒炒鵝腸
呢款都好抵食, 因為夠大碟, 蕭C奶都夾咗唔少啊....
西瓜
最後送上西瓜作飯後果
呢一餐總括而言
味道蕭C奶覺得一般
但勝在夠平, 如果想食海鮮
又想平又想有人煮埋
咁就不妨嚟呢間啦....
不過蕭C奶都係覺得
自己在家煮就最正
因為仲平, 仲清甜
蕭C奶都有幾味拿手海鮮餐嫁
想試吓本C奶的手藝
請快啲報名啦....
費用係........免收加一, 免煮費用,
兼送白飯任食, 水任飲
海鮮價錢.....時價
沒有留言:
張貼留言