打bin bin @ home

 

2009年11月21日(星期六)

原本無諗住打BIN BIN嫁

今日陪少爺家姐睇完佢的新居裝修後

又返咗去媽咪到坐咗一陣

跟住就同少爺回家了

蕭C奶諗住返屋企整個日式煲嫁

點知...係超市到同少爺

買吓買吓, 呢樣又想食, 個樣又想食

少爺就話....打邊爐啦...YEAH.

今次用呢兩款湯底先

早前係吉豬島到做特價, 買咗三款湯底

今日少爺擇咗呢兩款

左: 味噌湯底, 右: 海鮮湯底

一濃一淡, 正呀

最後結果係....味噌湯底勝出!

少爺話要買同上次的打邊爐食物唔同喎

呢款肥牛係超級百佳廣場到買的, 又唔肥但又有牛牛味

至於多春魚, 因為上次HENRY及阿恩介紹之後,

試過一次, 原來多春魚打BIN BIN係好好味,

所以今次有佢份.

想講吓個日本黑豬肉, 勁正呀, 下次一定要再買.

當然唔小得蕭C奶最愛的彈彈吓魚蛋及牛丸等等啦

平時一定會有稻庭烏冬, 不過屋企無貨喎

係超級市場見到呢款日式拉麵

十蚊左右, 同稻庭烏冬一樣要放係冰格

一於買一包嚟試吓

打開後, 一樣都係獨立包裝

只需要加入滾水煮1分30秒, 就可以食嫁了

同稻庭烏冬一樣, 麵質都係咁爽口, 咁彈, 咁煙韌

只係拉麵比較幼

自創雜錦拉麵

嘩...好多嘢食呀...而..望吓望下

先發覺紹菜及甜粟米都無影相喎.

蕭C奶咁多嘢食, 食唔食得哂呀...

肥屎你啊...

少爺你髮型勁攪笑呀...哈哈...

少爺話蕭C奶好唔聽話囉

因為醫師都話唔可以打邊爐

但係蕭C奶又忍唔住喎

咁啦...十一月的名額滿咗了

到十二月中打後先可以再打BIN BIN啊

(不過真係唔知蕭C奶忍唔忍得住呢???)