金針雲耳蒸雞(內附食譜)

 

早前因為康保雞給蕭c奶

帶來了失望感

最近蕭c奶好想食好味的雞呀

所以...所以...終於都忍唔住了

叫咗媽咪買定一隻雞

一於整番碟.....

金針雲耳蒸雞

好滿足, 好滿足

好好味, 好好味啊....

都係平時啲雞啱蕭c奶口味多啲...

 

金針雲耳蒸雞

材料: 雞一隻, 斬件洗淨,

金針雲耳各少許, 冬菇2-3隻, 薑3-4片切絲

 

醃料: 生抽3茶匙, 鹽1茶匙, 糖半茶匙, 栗粉2茶匙

 

準備: 冬菇、金針、雲耳浸透洗淨。

冬菇去蒂切絲，用少許生抽、糖、油撈勻。

雲耳去梗蒂切細。

 

做法: 將雞用醃料醃約20分鐘，

加入冬菇、金針雲耳、紅棗、薑絲伴勻。

 燒熱大滾水，用大火蒸約10-15分鐘即成。

 

 

以上材料, 仲可以加埋紅棗, 若加入紅棗,

浸透後, 除去核, 就可以加埋入去蒸嫁了.