2009年11月4日(星期三)
今日有咩好餸介紹比大家呢
唔知大家有無見過呢個 '毛茄' 呢
其實蕭c奶之前出去食日本嘢
有啲日本餐廳都有得食
而日本貨好多, 所以蕭c奶今次經叻叻介紹
叻叻話買泰國的都好好食, 其實同日本差唔多
所以我哋去買相機前, 去咗超市行一陣
咁就買咗兩pack
打開保鮮紙, 可以見到真正的毛茄樣子
毛茄炒豬腩肉
材料: 毛茄 2pack
豬腩肉 15蚊
做法: (1) 先將毛茄沖洗, 切去頭部, 及將每邊角切去,
因為有啲毛毛刺, 咭口, 再切段, 備用
(2) 豬腩肉切件, 備用
(3) 起鑊, 加油及少許蒜蓉, 將豬腩肉爆香及炒至九成熟,
然後加入毛茄炒至全部材料熟透, 完成.
蒸黃花魚
條魚媽咪買的，好鮮好滑啊。。仲有埋魚春添。正。
有營飯
材料: 紅蘿蔔/甘筍 少許
日本牛蒡 一少支
冬菇 2-3隻
做法： （1）將以下所有材料洗淨，切絲或切粒，備用。
（2）煲飯，等到飯滾，打開飯煲蓋，將（1）全部放在飯面，
關飯煲蓋，至煲飯全熟，即可食用。
呢個飯好有益，又方便，不過就要睇住個煲飯滾，
所以唔可以行得開做其他嘢，因為好容易會忘記咗。
記得如果用嚟做飯食， 一定要買日本牛蒡，
因為甜好多，靚好多嫁。OK。
牛蒡之好處
（1） 能加強代謝人體內之血脂，膽固醇，進而降低血壓，紓緩因血壓引起之頭痛，心口鬱悶，煩燥，脾氣大，失眠等症狀。亦能減輕心臟機能。
（2）能加速排除人體內尿酸，各種毒素及多餘水份。故能紓緩痛風引起各種關節之痛楚及膝蓋關節衖力之症狀,並能改善眼部浮腫,手腳浮腫情況.
(3) 腎主管內分泌調節,故能對血糖等體內內分泌有穩定的效用,亦能改善暗瘡情況.
(4) 牛蒡屬高纖維植物,故能通暢排便,更有效排出毒素,使廢物不積聚體內.
(5) 強腎能讓人更有精,氣,神.
2009年11月5日(星期四)
媽咪今日約咗叔公叔婆一齊返家鄉
所以今晚要自己煮飯
諗起早前阿英送咗幾孖臘腸及潤腸過蕭C奶
一於今晚蒸嚟食咗佢先..
蒸雞
趁媽咪不在家吃飯, 好耐都無食過雞LU..
灼菜心
當然每餐必有的菜啦
花膠海蔘湯
而家要好好調理番個身體, 所以一個星期媽咪會
煲兩次花膠湯過蕭C奶飲囉......嘩..好補啊..正.
啲花膠好靚好厚身啊.. 希望蕭C奶真係吸收到啦,
唔會浪費咗媽咪的心機呢.
啲相係用咗部新相機G11影的
不過蕭C奶仲未掌握到部新機
覺得影出嚟啲色唔係幾靚
聽日要請教吓師兄要用咩功能先.
希望快啲上手就好了.
沒有留言:
張貼留言