無啲公德心

蕭c奶好嬲呀

嬲到即刻落去管理處到投訴

話說我哋每家人都會將每日的垃圾

放係電梯大堂

每日都唔知邊鬼個

將每袋垃圾都打開及亂摷一通

打開都算數啦...最無品係亂摷

摷到每袋垃圾都通個大堂都係

你哋話見到嬲唔嬲呀...

大佬呀...打開咗都巳經唔係幾好啦

咁啲曱甴呀, 蚊呀, 蟻呀會走嚟嫁嘛

仲要離譜到將啲垃圾摷埋出嚟

最激氣係....仲有啲菜汁呀....

你話死唔死呀...

真係好無衛生囉...

你唔乾淨你的事呀...咁我哋其他住客點呀

仲有呀, 咁啲清潔阿姐都慘啦

人哋做清潔的, 都想快手做嘢

成鬼日有啲菜汁, 阿姐又要抺過

啲垃圾通地都係, 咁阿姐又要執過

喂, 人哋都好辛苦嫁, 日日做咁多層樓數

你哋話啦...蕭c奶點會唔嬲呀..

其實呢件事都發生咗成半年嫁了

蕭c奶都唔係第一次話要去投訴

不過有時諗住算數

但係前日蕭c奶出去倒垃圾

又見到個大堂啲垃圾通地都係

真係忍無可忍呀

即刻落去管理處到投訴及反映

其實少爺話有時早上出門等電梯時

撞過幾次有個 '賓賓' / '印印', 總之係工人啦

係到摷垃圾...

少爺可能唔好意思出聲啦

比我...我一定出聲叫佢呀...

如果佢再係咁...我就真係唔客氣呀

我會查佢住係邊到, 我實行去個mum到投訴佢

而家我同咗管理處到講咗

佢話會跟進, 我就睇吓佢點跟進.

攪到咁無衛生, 真係好難頂嫁嘛

我真係忍咗半年嫁了

我...蕭c奶真係忍唔到了

到時唔好怪我呀....

到時你比你mum鬧爆, 炒你

真係唔好怪我呀!