開心歡聚@小菜王

2009年11月20日(星期五)

 

蕭c奶一向都很少同同事食晚飯

因為蕭c奶心歸啊...

要煮飯仔給少爺

唔忍心留低少爺一個人啊...

所以呢一堆同事

常常約出外吃飯, 他們都知蕭c奶大多數都不會出席

開心是....他們不會嬲蕭c奶不參加

這次蕭c奶戚起條筋

好想約佢哋出去一齊食晚飯

happy吓, 笑吓, 玩吓

所以今次蕭c奶誠意的做發起人

gigi第一個反應係: 咁唔去唔得啦! 哈哈.

其他人都好比面喎, 原本只想幾位

點知一攪就攪到十個人添

好happy呀, 最開心係...

個個都咁橋都得閒呀...

個個都出到席呀...

 

左起: madam 英, 肥妹儀, 蕭c奶及gi姐

左起: 靚芳, apple及蘭子

左起: shirley, mandy及hing

北海道涼拌螺肉

呢個小食果然唔錯喎, 啲螺肉夠凍夠鮮甜又夠爽

值得一讚!

灼田螺

細隻咗啲啫, 如果好似上次去東涌果間咁大隻就仲正呀.

開餐了...睇吓apple幾想食...

沙薑雞腳

夠淋身, 又夠味及大隻喎....正.

羊腩煲 (細size)

送到嚟....個個都嘩嘩聲...因為細size都咁大鑊

咁大的咪....仲大大鑊!

大家都話如果兩個人嚟, 咩都唔駛叫啦....

羊腩煲配的生菜

蒜蓉炒豆苗

而家啲豆苗好貴呀, 所以出去食都要食貴的菜, 咁先值嘛!

 

炸大腸

個個見到都叫 '好' , 因為大家都不其然話好耐無食呀...

豉椒炒蜆

一般啫...無咩肉, ok啦

燒鰻魚炒飯

好味呀, 好特別, 都幾足料的, 加上個飯炒得好香喎

好驚喜...好味

黑椒牛油炒蟶子

其實都無咩黑椒同牛油味喎, 我覺得同平時的豉椒炒

無咩分別囉....係好食, 但係個名就強差人意了

蒜蓉蒸勝瓜

油咗啲, 下次等我自己試吓蒸先

豉汁蒸白鱔

個鱔就做得唔錯呀, 夠彈牙, 夠味, 不太咸

蒜蓉開邊蒸中蝦

呢碟我覺得係全晚最好食的, 啲蝦真係好鮮

而且夠大隻啊..

靚芳好似飲醉咗咁喎...嘻嘻...

話個個都食得好滋味喎...

靚芳你做咩啫....係咁望住蘭子....隻蝦....

唔通睇吓你隻大啲, 定係蘭子隻大啲...

 

食完飯都只不過係晚上7點半咋...勁快手呀..

不過我哋都唔想留係到咁耐了

因為小菜王啲服務勁勁勁差呀

啲老伙記都唔休做囉, 勁吹人食嘢,

叫佢開冷氣, 因為好焗, 唔開, 只係開風扇,

叫佢收碟, 又串咀...總之就以後都唔會再嚟幫襯

仲有呀...啲食物水準差咗好多

多油, 多獻汁, 重味精

上年嚟過都好好的, 一年啫, 就變得咁差勁

老實講....都係自己煮好食好多

無油無味精, 健康得多呢.

總之你哋就唔好去幫襯了...

blog友王子仲話好喎....今次真係唔掂當啦...

咁都叫好....真係..真係...無話可說了.

之後我哋去咗松記食糖水啊...

嘩...蕭c奶好耐都未試過食完晚飯

再去食甜品的日子了

 

其實蕭c奶唔可以食凍嫁.但係咁難得...

蕭c奶都破戒...

要咗呢款....(唔記得叫咩...嘻)

mandy的芝麻糊豆腐花

madam英的芝麻糊

 

 

 

食完糖水...你哋知唔知我哋又去咗邊呢???

講你都唔信呀....

就係去咗....去咗....

食蛇羮

呀...講錯...係買蛇羮

哈哈....

佢哋話琛水步呢間好好味嫁喎..

最後因為少爺嚟到地鐵接我

我知少爺一定未食飯...

所以我又跟佢地買咗一個中size的蛇羮

等少爺有嘢食呀嘛

最後連少爺都話好好味添呀...

下次要再去同少爺食過先得...

今晚真係好開心

一齊笑笑, 食食, 飲飲, 傾傾

有時放咗工, 大家一齊happy吓

真係幾relax啊...

係到好多謝呢堆同事

因為每日都係佢哋帶比蕭c奶無比的快樂

打破了沉悶的返工日子啊...