2009年12月29日(星期二)
今日早上返咗去中醫到覆診
而家醫師幫我改善手腳冰冷的問題
希望有所改善啦!
老爺今日要入嚟攞嘢
所以順手叫咗老爺幫我買定啲菜
有翠玉瓜啦, 蕃茄啦, 蘋果啦, 菜心等等
嘻嘻....因為老爺嗰邊買啲菜又平又靚
加上琴晚巳諗好煮咩
只係欠菜, 搭咗老爺買, 咁我放工就唔駛專登去街市了
媽咪早前買定咗pack多春魚
所以我琴晚就諗到煎多春魚了
不過認識蕭c奶的都知
蕭c奶係唔識煎魚的
煎得唔靚, 又散哂...
但係有次媽咪教咗我
啍....一於試吓自己煎先...
終於係.....得咗!
蕭c奶成功煎到了...煎得都唔錯呀, 幾靚仔呀...
好開心呀...
灼菜心, 老爺買來的
好靚好甜
家鄉蘿蔔苗炒豬肉
少少哋餸吓飯兼且比少爺帶飯
係少爺至愛呀...
因為媽咪的事
而令到我好擔心
同事朋友知道咗
都有支持我, 問候我
好多謝你哋呀...
希望上天保佑媽咪
31號返去見醫生, 只係一場小事,
唔係啲咩大件事啦...
定d黎.....衷心祝福佢....幫我問候下佢啦.....再講多次,你自己都要take care.
回覆刪除[版主回覆12/30/2009 09:32:00]謝您啦，希望我的擔心只係多餘啦。
手腳凍冷, 平日要多點運動
回覆刪除你煎既多魚真好靚他喔, 以前我都係唔識, 無耐性煎散晒, 再唔係就黑麻麻, 人地教我要比多d時間好慢火咁就一定成功...
祝大家身體健康, 開開心心~
[版主回覆12/30/2009 15:00:00]係囉， 之前成日煎都散哂， 又又濃鬼哂。媽咪就係話我無耐情，心急囉。。。其實琴晚都心急嫁， 都有成日反嚟反去。。嘻嘻。。不過當然比之前的時間耐啲啦。。加上多春魚可能又比較容易啲煎。
我以前都成日做運動，都係手腳容易冰冷，所以應該除咗血氣唔夠運行之外，應該係個身體體質未夠好囉。希望醫 師幫到我啦。醫師都幫我改善咗夜尿的問題，個睡眠質素好咗好多，勁開心呀。
買隻新易潔鑊包靚XD平平地就得~ 阿蘇教唔好郁佢, 熟左就推得郁唔會痴~
回覆刪除[版主回覆12/31/2009 12:11:00]我知呀，媽咪咪成日教我囉， 唔好郁佢，熟左就會唔痴底， 不過都係成日心急。。嘻嘻
不過經過今次， 應該會有進步。
印象中你應該未生BB個可, 其實如果你地有打算生BB的話, 生完之後坐月大補一番, 你的身體會脫胎換骨, 無論你依家勁差, 血氣幾唔好, 都會大大改善的。
回覆刪除絕對是事實哦( 不過唔係我: 我就係怕煩怕DIRTY, 唔聽老人家講又唔好好補下, 從前我身體都OK的, 依家就慘LU, 腳指凍到會起蘿蔔仔~唉!)
[版主回覆12/31/2009 12:11:00]未生呀。 咁係咪即係叫我生呀。嘻。。好。等我哋努力啲啦。