沖繩黑椒豬舌炒麵@沖繩料理

 

2009年12月6日（星期日）

 

連續幾個星期的六日都有活動

原定琴日星期六都係去行山的

可惜最後都要取消

琴日就改咗同IVY及愛麗詩去咗

葵芳及荃灣行街街了

而今日就可以留係屋企到休息

 

媽咪返咗另外一個屋企

今晚蕭C奶就要自己煮晚餐了

食咩好呢。。。都唔駛諗啦

仲唔嗱嗱聲煮埋啲沖繩麵食咩

但係。。。又想帶埋飯喎

唔怕。因為蕭C奶記得其中一包沖繩麵

係用嚟炒的， 所以決定炒的用作帶飯

所以好忙呀。。一晚煮兩款麵食

 

就係呢包了，今晚仲試你唔到。

包汁料好似好淡味咁喎。啱哂蕭C奶啊。

係沖繩時買咗兩款味道的豬舌

早前食咗原味

今次的係黑椒味啊。

睇個樣好似仲好味過原味喎。。。

預備咗啲材料後， 就開始煮了。。。

 

沖繩黑椒豬舌炒麵@沖繩料理

材料：

豬舌1條/包，沖繩麵，小棠菜，芽菜，蔥

預備工夫：

（1）先煮麵，要跟足說明書的指示，煲內加入適量水，

滾後，加入麵，煮至1分30秒，

一定要跟足煮麵時間，如果唔係會好淋身，唔好食。

因為我之前試過煮過時，勁唔好食。

（2） 麵煮好，隔水，備用

（3）豬舌切開一片片，備用

（4）小棠菜，芽菜，蔥，洗淨，蔥切段，備用

做法：

起鑊落一湯匙油，加入小棠菜炒，

再加入芽菜炒，再加入豬舌炒，

然後加入麵，炒麵時，加入少許水，

使麵不如痴埋，係咪炒呀炒呀，

加入汁料包及蔥，炒勻，完成。

又估唔到咁好味喎

個汁料好香，好清，

炒的又唔錯喎

黑椒豬舌真係好食過原味啊。。好鬼爽口

DDUNG都想食呀。。。

呢個就係蕭C奶同少爺明天的LUNCH了。。。

煮完明天的LUNCH之後

又係時候準備今晚的晚餐啊。。

仲要快手呀。。因為蕭C奶

一連幾個星期無睇亞洲星光大道

今晚係冠軍戰呀

一定要睇呀。。