香草龍脷柳(內附食譜)

 

2009年12月15日(星期二)

 

上回煮完呢個韮菜花炒肉片(請CLICK這裡)

咁都要整多味餸嫁...

想食魚...不過係灣仔咁遠點買新鮮魚啊

又唔想放咗工再兜去街市喎

好友經理就提議我

不如整龍脷柳啦

諗諗...都好喎...屋企仲有條龍脷柳

一於整埋佢

 

香草龍脷柳

材料:

龍脷柳   1大條

意大利香草, 黑胡椒, 胡椒粉, 蒜鹽   適量

生粉

預備:

(1) 先將龍脷柳解凍, 抹乾身,吸去多餘水份後,

用意大利香草, 黑胡椒, 胡椒粉, 蒜鹽醃30分鐘, 備用

(2) 煎前將龍脷柳撲一撲薄薄的生粉

 

做法:

(1) 燒熱煎PAN, 落少許油, 加入龍脷柳先煎一面至金黃色,

然後再反轉另一面另至金黃色, 至熟後, 即成 上碟.

 

**  煎龍脷柳一定要撲薄薄的生粉, 咁就唔會出水及煎到散哂

** 記得煎時唔好成日反嚟反去, 要煎完一面才煎第二面啊.

** 而蕭C奶就比較鐘意煎到有微微濃濃哋的效果

希望大家都鐘意呢個餸啦

又平又容易又方便又快捷

好適合小朋友及老人食添

因為無魚骨啊...