美味意粉

 

2009年9月6日（星期日）

 

琴日全日都出咗去

未停過， 早上返工，下午及夜晚都

分別去咗朋友仔屋企

今日終於可以好好咁係屋企休息吓

BUT。。蕭少爺就可憐啲

因為佢今日約咗學車師父學車

好彩係下午兩點， 都可以瞓到十二點

少爺出咗去之後，咁蕭C奶就係屋企到

打掃，洗嘢，執屋。。勁多家務呀

而且明天LUNCH約好了幾位同事大食會啊

每人要整一款小食

今次蕭C奶擇咗整芝士粟米釀雞翼

嘩。。。拆骨拆到蕭C奶手斷呀

攰屎呀，而且蕭C奶性格，一不做，二不休

一拆就拆咗三十隻

因為12隻係大食會，另12隻係打算送給好友叻叻

剩番幾隻當然要整比少爺食啦

拆骨都拆咗成兩個鐘，仲要釀埋饀呢，

逐隻釀, 都咪話呀,要用好多時間同心機嫁

呢啲就真係功夫呀

跟住等到少爺返嚟

少爺嗌哂救命，佢話係咁比師父話喎。。

自信心無哂。。

嗯。。第一堂係咁嫁了，努力呀少爺

全家支持你呀，放心啦，

人哋得，自己都一定得，

等蕭C奶比番啲信心你。OK

到咗五點幾，少爺閧始係梳化到瞓著咗

我唔嘈佢啦，等佢好好咁休息一吓

而我，見蕭少爺咁辛苦，

當然係要好好咁準備吓晚餐嚟比佢嘆啦

蕭C奶每逢灣仔OFFICE，

係LUNCH TIME都好鐘意去灣仔街市逛的

其中有一間次次都會走入去

叫做日昇食品公司

專買日本食品，蕭C奶好多時唔買都要睇吓

早前，佢做緊好多嘢有DISCOUNT

其中一樣係日本帶子

唔記得幾多錢了，

但一盒有成幾十隻，見佢係日本兼且仲要好靚

一於買定嚟放係雪櫃，鐘意幾時食就幾時食

今日開了，嘩。。真係唔係誇張呀

一打開就巳經好香的帶子鮮味

真係未食就十成知一定正

溶咗啲帶子後，就開始預備其他材料了

今晚蕭C奶打算煮意粉

 

洋蔥煙肉帶子蝦肉意粉配忌廉汁

蕭C奶好滿意今次的意粉

睇吓個樣真係唔係讚自己呀

真係好得, 好似出面食的咁

仲要無咁多料添呀

因為釀雞翼,用剩咗啲粟米粒

所以順手用埋係煮意粉到

有啲黃色粟米粒係到, 咁成碟意粉都即刻靚好多

仲有呀, 再讚個帶子,就係好正, 無縮水仲要好滑好彈好爽

仲有, 我係惠康見到有急凍蝦肉, 見幾靚又特價喎

咪買嚟試吓囉, 哈..又幾好喎, 好爽口, 一包都係18蚊...

都未用哂

嘩...粒帶子真係無縮水呀,仲有咁大粒, 正. 要再讚.

仲有芝士粟米釀雞翼, 仲用埋CHERRY送比我的靚靚心心碟.

呢碟係蕭C奶的...

功夫係多啲,但係整咗之後, 焗埋出嚟, 肥啫啫咁,

咁可愛, 都值得的.

 

今次蕭C奶同蕭少爺呢幾隻, 我專登釀成粒芝士入去

哈哈..好香芝士味囉..BUT 食兩隻就夠了

 

遲多少少就會POST佪食譜比大家

比多少少時間蕭C奶呀..OK.

希望大家滿意今日的意粉啦

 

芝士粟米釀雞翼食譜, 請CLICK:

http://hk.myblog.yahoo.com/jobechan0911/article?mid=7417

 

洋蔥煙肉帶子蝦肉意粉配忌廉汁

http://hk.myblog.yahoo.com/jobechan0911/article?mid=8246