很忙的一晚煮意

 

2009年9月4日(星期五)

 

今日公司好忙，因月頭的關係

要做數呀嘛。。。（煩煩煩）

原定放工先去旺角搵個朋友仔

BUT真係唔係唔幾舒服

又有啲攰加上要食藥

又再加上因為明天早上要返工之餘

下午仲要走兩轉

分別要到兩位好友的屋企

打算親自整啲MUFFIN及醉鴨舌

唔好兩手吉吉咁入去

而且仲要返去煮晚飯比少爺食

所以就唔去旺角了

要快手返屋企‘做嘢’

 

媽咪好好呀，一大早就幫蕭C奶買定餸煲定靚湯

咁蕭C奶就慳番唔少時間了

睇吓今日有咩正餸先：

蒸大眼雞

勁大條，呢排好想好想食蒸魚

媽咪知我心意，呢條大眼雞咁靚，一定唔平呀

冬瓜炆火腩

老爺早幾日比咗條好靚的燒肉骨我哋

咁就啱了，叫咗媽咪幫我買定冬瓜

今晚一於煮呢個餸

又簡單又快手

睇吓啲燒腩仔，真係好靚，細細件，

又唔肥又唔太廋，老爺買呢條燒腩骨真係好靚呀

抵新抱仔讚呀。

琴晚食剩的炒烏冬

所以今晚唔駛煲飯

 

快快手食完，又快快手洗好啲碗之後

蕭C奶就要開始趕整醉鴨舌

及香蕉MUFFIN了

OH。。今晚真係攪到又夜咗啲啲瞓添

不過都值得的

稍後再見了。

BYE BYE。