後會無期之第一次覆診

 

2009年8 月31日(星期一)

 

最近蕭c奶真係太忙

仲有成六至七篇的網誌都未出

呀...救命囉...點解咁少時間用嫁

 

唔講呢啲住

先先要出咗呢篇先

因為又有好多朋友仔好關心

媽咪的近況

今日約咗返去私家醫生-張醫生 覆診

張醫生幫媽咪檢查

話媽咪完全康復無哂問題

媽咪聽到都唔知幾鬼開心呀

 

跟住張醫生話每半年就返嚟覆診一次

到時就要次次都要抽血呀, 照嘢呀等等

跟住我順手問有關義乳的問題

因為之前我話帶媽咪去整

佢又唔肯喎...

咁我而家專登問張醫生

張醫生解釋咗最好要做

跟住張醫生好奇問: 咩你哋無去整咩?

跟住我就答: 係呀, 佢唔肯去呀, 佢話唔駛喎,

咁我而家咪嚟問張醫生你囉.

而家佢聽到你話要做, 就話做了,

佢聽你講, 唔聽我呢個囡囡講呀!

跟住, 張醫生就嘻嘻笑了,

阿媽又笑埋, 連帶啲姑娘都一齊笑.

 

就係咁....成間房就充滿笑聲了

係笑聲中, 話咁又見完張醫生

咁就好了, 媽咪終於都攪掂哂

而家重新....開始

 

各位朋友仔

放心啦. 媽咪而家好番哂了

我會好好照顧媽咪日後的生活

放心啦.