奴婢為少奶慶生日@千里之月

2009年9月8日(星期二)

 

嘩...今日勁開心呀

因為蕭c奶的超級好友

邀請蕭c奶到她的飯堂食晚飯

巳經成日都聽到佢同屋企人去嫁了

呢間日本料理叫做

千里之月

係銅鑼灣的樓上鋪

好有水準, 咁當然唔係平啦...係貴嘢嚟的

叻叻對蕭c奶真係好好

成日都請蕭c奶食好嘢, 食到蕭c奶都咀刁埋囉..

嘻嘻...

food menu---好靚

因為叻叻係呢到的熟客, 所以同呢到的經理janice好friend

janice好好呀, 第一個驚喜係

送來了兩杯酒

從來滴酒不沾的蕭c奶都好like啊

頭盤 --- 要由左開始食

左: 吞拿魚, 中: 蘿蔔, 右: 泡菜

好精緻

刺身 --- 有特特特大牡丹蝦

帶子及北寄貝

留意吓, 啲北寄貝係灰色的, 唔係平時食的紅色

好鬼爽口及鮮甜

三文魚刺身

叻叻專為蕭c奶而要了一客, 因為叻叻不多吃,

她只要了一件試試, 其餘的....全是蕭c奶

好肥美又新鮮

janice第二驚喜, 她知蕭c奶鐘意食牛, but 因為叻叻不吃牛牛的

所以janice專登叫了師父做了以下兩款沙律

好等蕭c奶可以食到牛之餘, 叻叻又可以叫到蔬菜

半生牛肉沙律 --- 好好味, 個汁勁正呀

而且牛牛好滑好嬾

叻叻的 蕃茄沙律

呢兩杯係咩東東???? 估唔估到???

唔係酒, 唔係醬油...???

其實係...係....特特特大牡丹蝦頭的膏

師父將個蝦頭的膏攞咗出嚟

加咗少少豉油, 就成了一個汁

可以用嚟點個蝦刺身或飲咗佢

but 咸咗啲囉

特特特大牡丹蝦肉

勁大隻勁爽勁鮮

特特特大牡丹蝦頭....好大隻

海膽二重奏, 即係話有成兩層海膽嫁

勁重量級囉..睇吓見唔到嚿飯嫁

巳經食咗少少嫁了, 都仲有咁多海膽喎

呢個真係好正...再食都得呀

janice幫叻叻炸咗啲紫蘇葉

蕭c奶唔食的, 得叻叻食

嘩...呢兩款焗蠔...真係好食到不得了, 好like

上面的係芝士焗北海道生蠔, 個汁好清好芝士

下面橙色的係明太子焗蠔, 好特別, 加埋咗個明太子

同埋個汁甜甜哋, 好美味

 

唔記得咗叫咩魚!

but我想講...燒得好靚, 睇吓個魚樣, 好靚仔呀

燒得剛好, 配lemon 汁食, 唔錯呀.

 

燒長腳蟹

好多肉嫁, 每人有兩條, 正呀.

叻叻趁蕭c奶無留意, 加多咗赤貝刺身

好爽口, 個賣相攞得好鬼靚啊...

稻庭烏冬配溫泉蛋

一定好食啦, 唔駛講....正

janice第三驚喜, 預備咗甜品作為蕭c奶的生日cake

係咩嚟嫁呢???原來係炸水蜜桃天婦羅

又估唔到幾好食嫁喎...唔漏又甜甜哋

個桃應該係靚嘢.

嘩...兩個女士呀...食咗好多嘢

好多謝叻叻呀, 請我食咗一餐勁正的生日飯

你呀, 要你破費呀, 成日都係咁啊...

仲要送埋禮物...(今次唔方便影出嚟)

總之就多謝您啦!

今晚好開心呀

蕭c奶叫咗叻叻係食飯前

先陪蕭c奶去coach到睇黑超

點知連帶叻叻都睇中咗喎

咁就一齊買咗了....

同好友一齊shopping, 可以一齊買到嘢

真係好鬼屎happy嫁啫....