關懷煮意

 

2009年9月2日(星期三)

 

嘩...上星期病咗真係好耐都無食過

媽媽煮的餸了

加上我病, 就無見過媽咪囉..

而家好番好多, 媽咪見我仲有啲唔舒服

佢話得閒, 就過嚟照顧吓我喎...嘻嘻

 

媽咪見我仲有啲咳同埋喉嚨痛

今日就煲咗個海雀湯比我飲

唔知你哋有無飲過呢

一間睇到個湯的相, 你哋唔好驚呀.

除咗龍脷葉可以冶咳之外

海雀都係可以有這種療效

海雀廋肉湯

聽媽咪講過, 最好係煲17隻海雀

不多不少, 先有效

下面個隻就係海雀了

其實我覺得影咗相, 比較驚啲囉....

但蕭c奶想講, 其實好好飲, 就算唔係咳都好鐘意呢款湯水

海雀的背面....你哋係咪睇到都好驚呢....好核突呢..

灼白菜仔

蒸釀豆腐

蒸大眼雞魚

 

今日蕭c奶下午去咗睇醫生

問清楚醫生, 扁桃腺有事,

醫生話無事, 無發燒, 無腫, 無脹大

咁蕭c奶問醫生, 點解每次喉嚨都要痛成兩個多星期

醫生答: 兩個原因?

一 : 是身體抵抗能力弱咗.

二 : 就係而家啲菌係比以前勁好多.

所以醫生見議我, 增強抵抗能力或者打流感針.

都係千叮萬囑自己注意身體.

就係咁了...都好...幾驚扁桃腺有事呀.

咁蕭c奶唯有自己好好保重啦

又要keep番盡量十一點前瞓了

所以而家寫埋呢篇, 就要早抖了.