謝氏夫婦下廚呀...

 

2009年9月5日（星期六）

晚上

 

去完朋友仔新居之後

一早約定了蕉蕉及謝主任夜晚去佢哋屋企

因為難得咁順路， 難得蕭氏夫婦嚟馬鞍山

所以約好今晚四個人一齊再傾吓去旅行的行程

咁難得嚟蕉蕉到

蕭C奶帶來了一小盒香蕉MUFFIN及醉鴨舌

送給他們倆， 小小心意。

 

一嚟到，巳開始有啲啲肚餓了

蕉蕉介紹呢個 ‘子薑皮蛋酥’

BUT蕭C奶，唔食子薑，又唔係好鐘意食皮蛋，

仲要係酥皮。。OH， 多謝哂。

所以就只得佢哋三個食了。

嘩。。。蕉蕉好好呀，一早煲定煲靚湯比我哋飲

啲粟米勁甜呀，好肚餓，先先飲啖靚湯先

 ‘粟米紅蘿蔔煲雞湯’

差啲比謝主任攪到無得飲，因為佢超攪笑，

翻煲煲咗成半個鐘，佢一打開湯蓋，

大叫： 嘩。。無鬼哂啲湯添。

嚇得蕉蕉： 唔係呀嘛。。。好彩每一都有一大碗啫。

好好飲，好甜，好濃

好忙呀。。好專心呀。。。我哋就等食。嘻

蕉蕉煮緊個牛仔骨

嘩。。。謝主任預備好個豉汁，準備蒸條靚倉魚比我哋食

光波爐---焗緊個雞翼

成個UFO咁。。。好得意

仲係好忙。。係個廚房到氹氹轉

我哋就係廳到HEA。。

灼生菜

洋蔥牛仔骨

嘩。。。勁好味呀，係咸跴少少，

BUT真係好鬼屎好味呀

嗯。。蕉姐一出招就咁掂。。

呢個好好餸飯啊。。。

豉汁蒸倉魚

謝主任的杰作，條魚好新鮮呀，

28蚊（我聽到佢哋講的）嘻

又大條又新鮮。。謝主任好識擇老婆。。。呀，，唔係係擇魚

都係一樣啫。總之就識擇啦。

光波雞翼

用光波爐焗的雞翼， 真係好鬼靚呀，

皮脆肉滑，好好味。

可惜蕭C奶唔食雞皮，其實當我咬走雞皮時，

都FEEL到個皮好脆，好JUICY

有心思思想食嫁， BUT我要堅恃吓先得

所以SORRY了，無食到雞皮

但我諗少爺就開心屎囉。

日本帶子刺身

我哋的飯後甜品， 帶子刺身，點解會係甜品

因為我哋忘記咗佢了。。。哈哈。。

攪到最後先食，咪變咗做甜品囉。

食完飯之後，我哋就開始一齊睇

絕代商嬌大結局

一做廣告我哋就係到大家傾沖繩的行程

傾吓傾吓， 咁就成十一點了

嘩。。要走了。。要趕車呀

都好開心可以叫做編好咗十日的行程

 

蕭C奶有得食之餘， 仲有生日禮物收添呀

蕉蕉送咗呢個LIP BALM比我，

佢上次去日本時買的，佢話好好用，

而且仲有淡淡的柚子味喎.

佢又知我好鐘意LIP BALM

謝謝您呀。。蕉蕉。

 

今日真係好榮幸呀，可以食到謝氏夫婦的廚藝

又可以去到朋友仔CHERRY的新居

一次過見到兩TEAM好朋友

真係HAPPY DAY！