2009年10月1日及2日(星期四及五)
係到同大家講聲
國慶節快樂
唔知你哋係香港有咩好節目呢
唔理你地咁多
我哋四個人就係沖繩到渡過
今日巳經係行程的最後兩日了
觀光完, 又玩完,
呢兩日有咩做呢...
咪就係要買手信囉...
呢兩日我哋專登編排係最後兩日
好好咁購買自己的心頭好
及買手信比各方親友啊....
唔講住, 要出發了....
返嚟再同大家分享啦.
2009年9月30日 星期三
2009年9月28日 星期一
2009年9月26日 星期六
2009年9月25日 星期五
哈哈...你有你哋忙工作, 我有我哋忙享受!
2009年9月25 至 26日 (星期五及六)
第二及第三天
嘩....當你哋睇到呢個BLOG
我哋四個應該係
好好咁係座間味島到
享受勁清勁靚的海灘
仲要狂玩水上活動添呀....
當然唔少得蕭C奶同蕉蕉
會著超SEXY泳裝啦...呵呵...
大家香港到繼續努力啲工作喎
而我哋
會食埋, 玩埋, 買埋你地嗰份嫁....
YEAH!
哈哈...你有你哋忙工作, 我有我哋忙享受!
2009年9月23日 星期三
蕭c奶xGIORDAND=CHEER U UP
2009年9月23日(星期三)
嘩...今日蕭c奶係出發前放一天假
目的為要好好執拾日本沖繩之旅的行李
之前講過, 未出發, 巳出血
因為為咗呢次旅行
巳經買咗好多嘢...
而蕭c奶最勁的係....
好似幫GIORDAND做代言人
話說GIORDAND有款TEE的系列
係同詹瑞文合作
出咗一系列的Cheer U Up的tee
有個哈哈笑做標誌的
GIORDAND一出
蕭c奶就好鐘意
而且最重要係蕭c奶終於可以搵到合適的tee
早前巳買咗幾件
but因為要去十日沖繩
平時的蕭c奶邊有咁多件tee呢
所以最後買多咗6件...嘻嘻....
上面張相咪就係今次會帶去沖繩著的其中幾件了
到時可能你哋睇番啲相
我日日都係Cheer U Up
哈哈.
2009年9月22日 星期二
2009年9月21日 星期一
重視友誼
每一天都會有人出生
而每一天 身邊的你 我 他都會有朋友生日
我活了廿多年 哈哈
是不是真的很重視每一年的生日呢
是不是很想生日快點來臨
想想生日那天應該怎樣慶祝
其實 我覺得最想慶祝的並不會是自己
相反 是別人吧？
我 很喜歡幫朋友慶祝生日
也很喜歡朋友幫我慶祝生日
很喜歡一大班朋友慶祝生日
其實現在 很奇怪的
我常常忘記了自己究竟多少歲
哈哈 可能真的年紀大了吧
年齡 記不起 也沒有所謂吧
生日慶祝
也是隨便找個藉口 一大班人 開開心心 玩樂一晚吧
不過我都希望 每年 我們當中的每一個生日
都一定要盡慶一番
我不是重視生日 而是更重視我和朋友之間的友誼
我們相處盡慶一刻的快樂時光
日式咖喱飯配安格斯漢堡扒
2009年9月19日(星期六)
唔經唔覺又到星期六
有時真係覺得時間過得太快
今日又可以瞓覺了
因為呢排真係太多生日飯要食
攪到好多時都出咗街街
好攰呀...真係要好好休息
今日蕭少爺要返工
蕭c奶瞓到中午差不多一點正
梳洗好後, 就開始執定去旅行的衫
嘩...去十日喎...仲要係summer
所以起碼要每日一套衫啦
為咗呢次沖繩之旅
蕭c奶未出發就巳經用咗少少錢
添置新tee, 黑超, 防曬用品等等
連少爺都話每次去旅行
都唔止旅費, 未出發都梗係要買少少嘢的
but 今次比較重本啲呢?
到咗兩點半左右
少爺買咗下午茶返嚟同蕭c奶食
而且仲開始煲劇添
好耐都無煲了
今次睇may姐介紹的新劇
叫做 'Bloody Monday'
好好睇, 今日都睇咗三集了
稍後會詳細講呢套劇
ok
又到咗dinner時間
今日簡簡單單又整咗呢個
日式咖喱飯配安格斯漢堡扒
睇吓塊安格斯漢堡扒好厚呀....
ddung出場了...好可愛啊..佢好似都好想食咁喎.嘻
其實都真係好厚, 蕭c奶都食唔哂, 比咗啲少爺,
其實都幾漏, 而且老實講, 蕭c奶都係對漢堡扒一般啫
相比起, 都係牛扒好食啲
我諗都唔會再買了.
個咖喱今次用咗辣啲的, 因為之前嫌唔夠辣啊..
好了, 要瞓了
聽日要參加同事的婚禮啊...
早抖, 遲啲再見了. ok.
2009年9月19日 星期六
超級好友慶牛一@涮牛肉
2009年9月18日(星期五)
是日超級好友為蕭c奶慶牛一
今日選了這間涮牛肉打邊爐啊
是晚所有男士都有約而未能出席
這樣我們一行六位美女
就可以暢所欲言了
好友叻叻是涮牛肉的常客
所有是日都有好多抵嘢
涮牛肉的環境唔錯, 夠濶落,夠光猛
服務態度GOOD, 衞生夠乾淨
美食當前，廢話少講
開始我哋的打邊爐了.
嘩...先嚟刺身
海膽及甜蝦刺身
兩樣都夠新鮮, 海膽可以配紫菜或青瓜吃
真好...蕭C奶不吃紫菜啊..呢次可以配青瓜, 感覺清新
三文魚刺身
巳經比佢地早嚟的美女食咗少少,
三文魚夠厚夠肥美, 唔錯呀.
冬瓜薏米豬骨湯底
因為大家都要好好保護身體，無叫啲辣湯底啊
清清哋，啱哂我哋幾位美女啊
多種調味料
都係嗰幾款啦．．．唔多講了
有機雪花紅牛
呢碟只係例牌， ＢＵＴ我哋都食唔哂，
因為佢真係好多雪花，即係肥啦．．
所以食咗幾件就好'漏'了，肉質方面，
唔係太重牛味，但係好嫩
牛頸脊
反而呢款牛，可能無咁多雪花啦，
所以可以食多幾件，牛味重啲，肉質就比有機牛的
稍為無咁嫩滑，ＢＵＴ係好味的
牛丸
其實佢應該唔係就咁叫牛丸咁簡單
ＢＵＴ蕭Ｃ奶唔知佢叫咩名ＬＵ．．
好鬼大粒，都夠爽口
四寶丸
墨魚丸，豬肉丸，蝦丸及鯪魚丸
其實蕭Ｃ奶係自己諗嫁啲丸名，
我都係估吓估吓咋．．嘻嘻
四款入面我金吃過墨魚丸，
ＢＵＴ蕭Ｃ奶覺得普通，只係大粒，都夠爽
至於味道，我覺得無驚喜，麻麻哋
貴花蚌
夠新鮮，無咩特別要讚，本身來貨夠鮮的話，
貴花蚌都會夠爽．
新鮮肥鵝腸
好耐無食，蕭Ｃ奶好鬼鐘意食呢啲嘢．
ＯＫ啦，夠乾淨，無啲腥味，算係咁．
炸腐皮
蕭Ｃ奶無食， 因為係炸嘢，
ＮＯ ＣＯＭＭＥＮＴ．
個樣就好靚仔了．
幾款雲吞，水餃，魚皮餃
其實我只係食過兩款，
一款係入面有木耳的， 好爽，好清新．
另一款係好似係'韮菜'，如果我無記錯，
一般啦，唔係話好好食，你會想即刻叫好．
其餘唔知， 無食．
蓮
一定係ＩＶＹ姐選的， 都好夠爽口，唔太淋．
鱔片
夠大件，好靚，好新鮮，好爽，值得一讚！
南瓜
好甜呀， 好得，好食，又係值得一讚！
鮮蝦
今次唔係刺身呀，待應送到枱上
啲蝦仲識郁嫁，真係好新鮮
而且整到咁樣送嚟，好型呀！
黑草羊
睇個樣都知正靚好味啦．．．
日本黑豚肉
可能食過有骨氣的，覺得無有骨氣的來貨咁
新鮮咁嫩滑，少少失望！
時菜
稻庭烏冬
係到食當然唔抵啦，兩件要２８蚊，
平時自己買一大包，都係４９蚊咋．
ＢＵＴ出嚟食嘢，唔好咁計了．
總括而言，蕭Ｃ奶覺得涮牛肉普通咗啲
因為個人認為上次去過有骨氣好食過佢好多倍
因為有骨氣的丸類及餃類
真係做得好出色，好特別
肉類方面都係，有骨氣的貨色新鮮及肉味正好多．
每個人的口味有所不同，
以上只係個人的意見．ＯＫ．
大家不妨可以睇吓有關有骨氣食物
有骨氣火鍋專門店
http://hk.myblog.yahoo.com/jobechan0911/article?mid=7847
家鄉美食@蘿蔔苗
2009年9月17日(星期四)
因為呢排有太多生日飯食
攪到都無咩邊晚煮飯之餘
仲要好耐無食媽咪的靚餸
琴晚同咗奶奶食自助餐
今晚終於可以食住家飯了
yeah....媽咪真係入嚟煮飯
嘩. 呢排蕭c奶左邊身好攰
真係唔知攪邊科呀!
所以一定唔會同媽咪爭煮飯
多謝媽咪時常照顧蕭c奶蕭少爺啊.
睇吓今晚有咩食先:
嘩...正呀...有家鄉帶來的蘿蔔苗
勁好味, 自家製的係唔同啲的
呢個蘿蔔苗係蕭c奶客家人的土產
唔係係香港買到嫁
而且就算比你買到, 都唔一定係好食囉!
蘿蔔苗炆豬腩肉
咸咸哋, 又酸酸哋的蘿蔔苗, 用嚟配豬腩肉最正斗
是晚全碟三個人食哂...
洋蔥炒勝瓜
吓...媽咪好少會諗到加埋洋蔥一齊炒嫁喎....叻, 抵讚!
蒸魚
問嚟問去, 媽咪點都唔記得呢條叫咩魚.
因為我都好想知, 第時可以自己買嚟食,
因為條魚好滑, 無細骨, 好好味,
有機會要再叫媽咪買, 同埋叫媽咪記清楚條魚名.
食完飯,蕭c奶真係無同媽咪爭洗碗
只係快手晾埋啲衫
跟住執少少嘢
跟住就瞓了, 因為真係好攰
要好好休息, 唔可以病呀...
因為好快就要去旅行呀!
聽日蕭c奶的超級好友又為自己
慶祝生日呀,
聽晚又食好嘢了
呢排真係食得太多了
明顯之前好努力咁減咗少少
而家又雙倍奉還了...oh no....
點攪....無計...生日呀嘛
係大把口福嫁了
唔理了, 開心最緊要.
訂閱：
文章 (Atom)