我的2009

我的2009

 

2008年因為無時間, 所以一直好想將每年所發生的事記下來

都無做到. 今年2009年了, 時間過得好快, 快到我都唔想咁快, 因為太多太多嘢我都仲未完成, 亦都好多事我都處理好. 不過, 時間係唔會等人的, 只有反思自己做事太慢.

2008年年尾至2009年9月

媽咪證實患有乳癌, 亦作出適當的治療, 雖然當中大家都好唔開心, 亦都好驚, 不過到咗最後, 因為一家人努力, 樂觀, 朋友的支時, 祝福, 媽咪到最後都捱過咗呢一次的難關.

亦都因為媽咪患癌, 令到阿哥有所改變, 起碼開始懂得關心家人, 當然都係未合格啦, 不過阿哥有少少改變, 巳經令到媽咪及我開心到屎了, 希望來年阿哥進步多啲, 就好了.

亦都因為媽咪的病, 令到我又成長咗, 睇嘢唔同咗, 心態又唔同咗, 更加令到我覺得要珍惜現時所擁有的一切.

2009年3月

踏出咗人生第一步...就係由多年的長捲髮look, 變成短頭髮, 之後仲變成短直look添.

仲有就係做咗一件叫做 '321'的事件, 係好有意義的.

2009年4月

阿哥一直以來都唔係好多陪媽咪, 今次令到我又好開心, 因為阿哥主動提議一齊去行山, 真係好, 呢種感覺實在太滿足太幸福了, 雖然我知唔係時時會有, 我只在乎曾經擁有.

2009年5月

蕭家姐榮升業主, 好替家姐高興, 雖然我同少爺都好想擁有自己的安樂窩, 但係見到自己的家人擁有, 成功成為業主, 我都好開心. 我同少爺都要努力啲先得.

仲有就係好友'哥哥'升職呀, 真係替他高興呢, 若果另外三位好友, 蕉蕉,謝主任及叻叻都係, 咁就仲皆大歡喜啊.

2009年7月

好朋友'luk ling'一家人搬咗去新居, 仲要係村屋, 好戥佢高興, 亦都希望佢生活開心.

2009年8月

整理好另外一個房, 比媽咪一個驚喜, 搬入嚟同我及少爺一齊生活. 希望可以多啲見到媽咪及好等媽咪同少爺相處吓.

多年來一直都好恨一家人去旅行, 尤其係可以同到阿哥一家三口, 一齊去. 雖然今次我哋唔係去坐飛機個種旅行, 但係今次我哋一家人成功可以一齊去咗兩日一夜的澳門之旅, 巳經令到我開心咗好耐, 亦都令到我好滿足. 當然..若果有埋老豆仲最好...不過...那怕要再長啲時間比大家了. 但係點都好啦, 我都好滿意嫁了.

2009年9月

好友'叻叻' 升職, 一直都等咗呢個好消息好多年, 一直都好想見証叻叻升職, 終於等到了, 真係好替叻叻高興呢, 如果下年可以見証埋佢榮升業主的話, 我呢更加開心了.

好友cherry 新居入伙, 抽到居屋, 仲要向海景添, 希望快啲飲到佢個喜酒, 然後再睇埋佢生仔, 咁就好lu...

2009年10月

夾到時間, 可以同好友'蕉蕉'及謝主任一齊去咗十日沖繩自駕遊. 由於好耐都無一齊同蕉蕉去旅行, 加上各人放假都難, 有次同蕉蕉傾開, 趁大家都未有bb, 真係覺得大家就到時間的話, 好想一齊去relax一吓. 加上同少爺拍拖至結婚, 都未同我去過超過五日的旅行.一直又好恨可以同少爺去長啲時間, 今次除咗少爺難得有假, 仲可以夾到蕉蕉一pair, 勁開心呀. 仲要係我恨咗好耐的自駕遊添.

2009年11月

11月2日收到少爺送給蕭c奶的生日禮物, 就係少爺今日去考車牌, 路試pass咗呀, 不過泊位就肥咗, 但係我都好開心呀, 努力呀, 少爺出年年頭考埋泊位, 咁我哋第日可以自己自駕遊lu...

一直陪咗我幾年的數碼相機仔, 終於陪完我去沖繩旅行之後, 壞了. 咁我就買咗一部新相機 --- CANNON G11.

終於的起心干, 報讀了學日文, 而且少爺都陪我一齊報讀添, 一齊努力啦.

咁多年嚟亦都未試過參加百萬行, 首次同少爺及好友叻叻一齊參加咗呢個咁有意義的活動.

好友dada的奶奶發現有癌症, 為朋友擔心, 因為自己都經過這樣的心情, 只好默默祝福她們及支持她們.

同時亦都得知好友'經理'的爸爸入咗醫院, 都希望世伯平安無事啦.

2009年12月

好友'陳米米'書店開張, 替她高興, 祝願她生意興隆, 一本萬利.

收到朋友的喜訊, 有咗bb, 替她高興.

另一個收到同事monica榮升業主, 又係替她高興.

同時亦收到阿e的好消息, 都係榮升做業主呀, 咁我呢位姨生女當然有受惠啦, 就係可以去會所到玩呀.

一向都無抽獎緣的我, 竟然可以係李國能法官手上接過頭獎, 獎品係 i phone 3G, 8G版, 開心到飛起.

同埋都知道大姑姐做咗手術, 手術好成功, 希望姑姐早日康復啦.

開心事過後, 無想過係2009年12月31日, 醫生發現媽咪的尾龍骨第五節, 照到有陰影, 但係唔知係咩, 唔肯定係好事定壞事. 不過點都好, 係2009年的最後呢一日, 我哋一家都好安靜咁渡過呢一日, 準備迎接2010年.

係呢一年, 有起有落, 但係當中所發生的事, 無論係好事定壞事都好啦. 我的心情都係正面的. 其實2009年定咗好多目標都未完成, 或者係自己太懶散了. 2010年真係要好好咁把握時間及機會, 好好咁完成自己的目標.

係新的一年, 我祝願大家

平平安安, 身體安康,

珍惜, 感恩, 快樂!

那怕要再接受一次挑戰

話說媽咪於12月22日冬節, 返回屯門醫院覆診

醫生問: 你有無咩特別邊到唔舒服呀?

媽咪答: 咩都無, 只係左手, 手臂有時會痛, 好似有針吉咁的痛, 又唔係成日痛嫁喎,

               一時時痛囉. 醫生, 咁樣有無問題嫁.

醫生回答: 嗯, 呢啲係做完手術後正常的反應, 唔駛擔心.

媽咪就再問: 但係我都係好擔心喎, 會唔會有啲咩事?

(當時醫生見到媽咪咁擔心)

醫生就話: 咁啦, 如果你咁擔心, 不如我幫你安排去照一照, 好唔好?

媽咪就答: 好呀, 照吓啦, 安心啲.

就係咁, 過多兩日, 就係24號平安夜那天, 媽咪就返去屯門醫院到照吓了.

之後25日, 聖誕節, 我同少爺及媽咪三人返去鄉吓探望婆婆, 而媽咪諗住今次留係婆婆到, 住到過咗新一年, 即係2010年1月3日先返香港.

就係12月28日, 我如常返工, 係下午的時候, 收到屯門醫院腫瘤科的護士來電.

對話如下:

護士問: 請問係咪陳xx的家人呀?

我就答: 係呀, 唔知咩事呢, 護士?

護士答: 醫生想約陳女士明天, 即係12月29日下午返嚟屯門醫院到見一見醫生.

我就回答:  吓...唔好意思呀, 護士, 我係陳女士個女, 我媽咪而家唔係香港, 返咗去鄉吓喎.

護士就問: 咁請問陳女士幾時返呀?

我就答: 聽日比較急喎, 我要今晚先通知到我媽咪, (而且當時個心, 唔想媽咪咁急咁的心情) 護士呀, 可唔可以改遲兩日呀.

護士就即刻好快答我: 咁呀, 31號啦.

咁我即刻回答: 好呀, 但係護士我想問吓, 點解突然咁急call我媽咪返去見醫生, 係咪有咩事發生咗呀?

護士就回答: 咁呀...我都唔係好清楚, 因為係醫生叫我打嚟約你媽咪的. (咁當時真係唔知個護士係真唔知, 定係假唔知, 又或者係因為私隱的關係而唔可以透露比我聽)

咁我回答: 係呀, 咁....咁...唔緊要啦.

跟住就掛線了.

就係咁....隨即個心當然係好唔安心啦, 大老細當時咁橋係我前面, 所以佢聽住我當時的對話, 即刻都有問咩事, 唔係有事呀嘛. 我咪答, 唔知.

之後, 細老細鄧小姐, 都知, 佢好好人, 即刻叫我31號放假, 但係可惜每逢年尾的31號, 最好都唔好放假, 因為要入數. 我就同鄧小姐講, 唔緊要啦, 到時或者叫我哥哥陪媽咪啦.

但係成個下午個心都好唔定, 個腦又係咁諗, 咩事呢, 咩事呢....

加上通常醫院無事係唔會打嚟的, 而家咁急call, 一定係唔好啦, 盡管身邊同事, 朋友的好話, 安慰, 好老實講, 大家心知啦, 當然我知大家都係想幫我減輕不安的情緒, 係到好多謝你哋. 不過, 我都巳經諗定咗啲方案嫁了, 唔好好, 就係唔好嫁啦.  點都好, 若果結果係無事的, 咁無需多講. 但係若果結果不如意, 咁都要繼續樂觀去面對及理智冷靜地處理.

但係成個下午都好唔安心, 最後我諗吓諗吓, 都係唔放心, 都想陪住媽咪一齊去見醫生. 所以最後我就同大及細老細講, 我都係需要放假, 不過我放下午, 我上午完成有關的入數工作. 而且真係唔好意思, 因為自己的事, 我出咗一個電郵比各位同事, 同佢哋講所有入數的事, 請大家係上午12點前交到, 對於呢個改動, 不便之處, 敬請原諒了.

 

終於到咗今日見醫生了.

醫生講: 呀, 陳女士上個星期同你照咗, 發覺你話左手臂的痛, 反而照唔到有咩問題. 但係, 反而我哋照到你尾龍骨第五節照到有個陰影, 而呢個陰影我哋而家睇唔清楚係咩, 照唔到, 所以想你去照p.e.t. scan, 照清楚啲.

咁我哋就問: 咁係咪即係有唔好的意思呀,醫生.

醫生答: 因為陰影有可能係癌細胞, 我哋怕係有癌細胞走咗去你媽咪的其他身體部位, 所以要佢照清楚, 等知道係咩嚟. 苦果係無嘢, 咁當然係好. 但係, 若果出咗個結果係唔好的, 咁都可以盡快做出適當的治療, 及早解決.

咁我哋就回答: 咁又係.

然後醫生就幫我哋book埋出去私家醫院到再做一次p.e.t. scan.

然後我哋就離開咗醫院了.

途中, 我發覺我哋倆母女都無喊, 又無話好唔開心, 咁大家心裡面當然係有諗啦, 亦一定有擔心. 不過, 我就同媽咪講, 唔好諗咁多, 反正諗都無用, 照咗出嚟先算啦, 有啲嘢打到嚟先算lu...之後就一齊返屋企了.

各位朋友仔, 真係放心啦, 最難過的頭一關, 媽咪都過到, 若果真係唔好彩,

我哋都唔會怕, 唔會埋怨, 亦都唔會唔開心,

反而仲要比前更加強, 更加樂觀, 更加平靜咁去面對.

不過咁...我當然唔客氣, 都請各方好友繼續支持及祝福媽咪.

好等我媽咪可以平安渡過.

 

英語怎樣讀 2010

英語怎樣讀 2010
Twenty-Ten?Two Thousand and Ten?Two-O-One-O?

 

5、 4、 3、 2、 1， Happy New Year！今晚午夜一過，就迎來 2010年。倒數完畢，在蘭桂坊碰到外國人，不妨說一句：「 Happy 2010！」但用英語說 2010年，應怎樣說？是「 Two Thousand and Ten」？還是「 Two-O-One-O」？英國廣播公司（ BBC）認為，最容易的讀法是「 Twenty-Ten」，但有人反對。

 

BBC設有特別部門，統一演員、主持人在特定詞語的發音。科幻電視劇《 Doctor Who》主角坦南特（ David Tennant）和泰特（ Catherine Tate），上周六在 BBC電台第二電台（ Radio 2）主持一個節目時，示範 BBC的 2010官方讀法。坦南特向聽眾說：「祝你有一個美好的 Twenty-Ten。」
「 Twenty-Ten」是否有點怪？聽起來不像是一個年份，但這是 BBC的讀法指引。於是泰特取笑坦南特說：「噢， Twenty-Ten，是啊！你有乖乖地閱讀（ BBC）的發音守則。」坦南特於是向節目嘉賓克里賓斯（ Bernard Cribbins）說， BBC規定他們將 2010讀成「 Twenty-Ten」。
但 81歲的克里賓斯反駁，指許多長者都是將 2010年讀成「 Two Thousand and Ten」。泰特則說：「我們不可以這樣讀，否則公司的發音部門會很生氣。」 BBC接受查詢時指出，在這個電台節目出街前，發音部門決定「 Twenty-Ten」是 2010年最容易的讀法，「但如果員工用其他方法讀，也不算違規。」

《美國》
新年倒數，紐約時代廣場會拋出五彩碎紙。　美聯社

放大圖片

《德國》
新年前夕，德國柏林漫天風雪。　法新社

問題出於讀法習慣

英語是英國人的母語，為甚麼英國人對怎樣讀 2010年依然有那麼多爭議呢？問題出於讀法習慣。在 2000年前，人們習慣把年份的四個數目字，分成前後兩個部份讀，像 1980年會讀成「 Nineteen-Eighty」， 1990年是「 Nineteen-Ninety」。進入新千禧年，卻是年份讀法的分水嶺。由 2001起，讀法變為 2000加最後的個位數， 2001讀成「 Two Thousand and One」， 2009年是「 Two Thousand and Nine」。
新千禧年頭十年過去，新一年 2010年，是進入新千禧年後第一個在 20後面接着雙位數的年份，於是問題來了，應該跟 2000年後的讀法，讀成「 Two Thousand and Ten」？還是跟 2000年前的讀法，讀成「 Twenty-Ten」？你的答案是甚麼？
英國《每日電訊報》

放大圖片

2010年如何說，令到連以英語為母語的人也莫衷一是。　互聯網

放大圖片

《中國》
安徽學生戴上「 2010」形狀的眼鏡。　路透社

陶傑：唔會永遠 Two Thousand落去

2010年英文說法這問題，既考起學生和老師，連外國人都對這問題抓不着頭腦，居港澳洲人 Peter Karman便說：「我會讀 Twenty-Ten，因為順口和容易明白。」且聽專家教授們怎樣說。

放大圖片

《日本》
日本有海獅表演，寫上「虎」字賀新歲。　法新社

放大圖片

《菲律賓》
馬尼拉民眾搶購煙花準備迎接新年。　法新社

「這問題很有趣」

曾在英國居住的香港中文大學英文系教授 David Parker說：「這問題很有趣，我想我會說 Two Thousand and Ten，因為 2009年會說 Two Thousand and Nine，所以新一年說 Two Thousand and Ten好了。」
香港浸會大學英文系教授羅貴祥：「我會講 Two Thousand-Ten，但都可以講 Twenty-Ten，都可以 Two-O-One-O，其實這是不同文化或不同人的習慣而已。」
專欄作家陶傑更繼續一針見血，「有人講 Two Thousand and Ten，有人講 Twenty-Ten，我自己就會講 Twenty-Ten。據我所知這講法沒有定律，兩種我都聽過，可能美式和英式唔同，簡約一點就 Twenty-Ten，但咁樣就好古怪。這問題之前未出現過，現時只欠一個統一說法。 2012年都會講 Twenty-Twelve， 2013年就講 Twenty-Thirteen，唔會永遠 Two Thousand落去嘅，太累贅喇。」