唉...我哋的日本之旅唔通會凍過水....攪咗咁耐, 仲以為可以順順利利咁一行八人去日本...點知...又會咁的.
其實都知蕉蕉會好難做,但係都無辦法啦...
多人去旅行實在太難就lu, 以為今次我哋大家傾好, 五日都照殺, 夾嚟夾去, 終於都決定到個日子了...點知無端端蕉蕉的老細又話要去training三個星期, 仲要同我哋撞咗日子.
諗住改月尾啦, 但係ivy姐又要返學, 叻叻又唔得, 哥哥又話可能要開會. 咁點好呢?
其實真係個心好失望嫁, 我同叻叻攪咗咁耐, 搵哂資料, 個心都巳經飛咗去日本lu....想話改地點...但係差好遠呢?
口講話只要係八個人一齊去邊都無所謂..但其實我個心好唔願意囉...呢排係咁睇啲日本資料, 個腦成日都幻想到時我哋會咁樣, 一定好好玩, 好開心....~~
而家....我要慢慢抽離吓先...睇吓過多幾日點先啦, 或者上天會有好的安排比我哋呢? 唔好諗咁多住....為有: 耐心等待, 有好的消息出現啦....
又會咁！
回覆刪除希望常在呀，少奶。
回覆刪除世事就係咁ga，有心栽花花不香，無心插枊枊成蔭。唔緊要啦！我地耐心等吓啦。
[版主回覆10/03/2008 20:10:00]我哋倆個花咗啲時間, book機票, 搵酒店, 編行程, 都巳經成功咗八成半lu..而家變成咁, 當然好失望啦....不過咁, 我都會睇定啲, 我哋再商量吓囉...再唔係真係改地點去三日兩夜囉, 應該都得掛...
再諗諗去邊啦!或者有奇蹟出現呢!
回覆刪除[版主回覆10/03/2008 20:10:00]而家都係睇定啲, 或者改改地點囉...
嘩~ 8人真係好難就, 如果係同一間公司做仲難請假 ! 如果爭1日半日, 分開飛機出發得唔得呀?而家好多機飛 再唔得就只有咁 ~ 去香港迪迪尼玩住1晚,當去左日本迪迪尼 ~ 上山搵個電塔影相,當去左東京鐵塔 ~ 搵個摩天輪,當去台場 (除左海水公園,好似冇) ~ 去深水埗+先達當去秋葉原,尖咀+銅鑼灣當去原宿,銀座...shopping ~ 行大型日式百貨(Sxgo香港), 順差買包溫泉粉回家浸溫泉 ~ 鯉魚門食刺身當去築地 ~ 每餐唔同日本餐廳(香港) (例:伊呂波日式燒肉,橫綱拉麵, 稻菊壽司,吉野家牛肉飯) 講下笑,唔好咁唔開心~~~
回覆刪除[版主回覆10/03/2008 20:18:00]你的提議都唔錯喎,,,,謝謝您啊...
我哋連機票都攪好咗...行程都編得八八九九lu....當然有啲失望啦...係咪.....不過, 睇吓點先啦....等吓蕉蕉啦.
8個人一起1真係好難,人小小易就D
回覆刪除[版主回覆10/03/2008 20:11:00]係呀, 我哋攪咗幾年嫁啦, 今次以為順順利利囉...點知人算不如天算lu...
隨緣啦!8人去唔成,其他人去著先la, 橫豎planlor. 嘻! 我巳經請係月中出發去日本......
回覆刪除[版主回覆10/04/2008 09:35:00]你去日本邊到呀....跟團定自己去呀, 你成家人去呀???
今次跟團去長野立黑山五天 ,係同朋友仔去 .....我今次作反啦
回覆刪除[版主回覆10/04/2008 15:49:00]正喎, 你有無睇過我同媽咪的日本相啊, 而家去立山黑部, 應該會睇紅葉喎, 到時記得比相我睇呀...ok.
我五月去時係睇雪嫁....呢個地方真係好靚嫁...
係呢, 你係咪跟東瀛遊呀...
Dear Fiona,
回覆刪除你可以去呢到睇吓嫁.....ok.
http://hk.myblog.yahoo.com/jobechan0911/article?mid=179
緣份天註定，不要強求，或者上天另有安排也說不定呢！我們就走著瞧吧，可能有新驚喜。
回覆刪除不過在這裡也要充心的謝謝你及Nat Nat 的努力及適心的計劃與安排，落力的查詢及聯絡，使我們能安坐家中也能得到周密的行程，需然未知是否成行，但功勞是不可小的，在此再三的謝謝你們。
預祝我們有一個愉快的旅程。