2008年10月10日 (星期五)
今晚為好友'叻叻' 慶祝生日,
主角找了2個星期生日飯地點 , 終於決定這一間
-Ivan the Kozak ,
平時很少接觸的 [ 俄國菜 ] ~
之前ivy姐就去過, 其餘的人都未去過嫁.
雖然不是什麼高級餐廳，細細的一間反而有他的特色，感覺很舒服，
老闆很好客，好像身在外國小村莊的餐廳內。
一入去給我的感覺好舒服 , 好似一個外國家庭一樣 ,
內的裝修雖不算豪裝 , 但所有的環境,裝飾品,用具...均有異國風情
不過枱與枱之間太過窄囉....
剛剛點完菜，老闆就過來問要不要試到冰室 (其實是一個大雪櫃) 拍照，
是免費的哦，可見老闆的好客和生意頭腦。
好特別呢, 每人都可以穿上皮草入冰室內拍照, 影咗出嚟好似去雪地啊.
(如果件皮草真係fit size的話, 仲正呀.)
講左咁耐,不如講下d野食.我哋點左幾款湯,幾個頭盤,主菜,
好岩香港人口味的俄國菜!
餐前飲料:
水果啤酒,意外地好飲
湯:
烏克蘭正宗羅宋湯,烏克蘭三文魚湯及格魯吉亞辣肉片湯
三款湯味道各有不同.
正宗羅宋湯跟香港一般餐廳的當然不同,味道香濃,又唔會太咸,用料十足, 很好味.
三文魚湯ok啦, 有少少三文魚的醒味, 但可以接受的,
格魯吉亞辣肉片湯很特別,很容易食到湯中不同配料的味道,而且不僅是湯, 湯中有米飯啊,呢個湯值得推介.
頭盤:
烏克蘭鮮菜沙律,紅菜頭龍脷柳沙律,
白酒焗牛脷盅, 烏克蘭香煎薯餅, 俄式焗釀茄子, 俄式焗磨菇, 雞肉蘑菇卷
七款都係非常正的菜式.
烏克蘭鮮菜沙律 - 唔好睇佢咁簡單, 其實個沙律汁酸酸哋,好醒胃
紅菜頭龍脷柳沙律第一口吃時味道怪怪的, 有點不習慣, 再吃下去卻愈覺好食. 有很多紅菜頭, 加上類似奶油的東西. (呢個係我估唔到會咁好食的)
白酒焗牛脷盅,很淋的牛脷加上芝士跟酥皮,真係一絕!
淡淡的薯仔味，加上sour cream, 好香口, 好味呀.
茄子上的汁, 辣辣哋,好鬼野味囉.
焗磨菇, 一送來買相好靚呀, 而且啲汁又係味美到不得了.
雞肉蘑菇卷, 我覺得ok啦, 沒有多大驚喜
主菜:
黑海香燒白雪魚 及 火焰燒乳豬
黑海香燒白雪魚:上枱時,賣相不錯,眼見白雪魚上佈滿香草,食落口,白鱈魚,香草,檸檬汁,的味道一一在口中散發出來,絕不會被其中一樣食材的味道蓋過.
再來是日主打菜,最矚目的莫過於要預訂的Vodka燒乳豬,要早兩天訂下,一隻只不過四百多元,實在不貴,但份量太驚人,沒八個人或以上還是不要order.據主理人所言,是整個電飯煲的份量,看來半點不假. 我就覺得沒有十二人以上, 都唔好訂呀.
燒乳豬是先行淋上vodka,再用火燒加強效果,當然不及聖火之宏亮.
呢張相好攪笑, 蕉蕉驚我被啲火燒到, 捉鬼住我隻手囉...
但每個人都樂也陶陶,經過廚師解體後,最神秘的面紗都掀開了,
整隻乳豬也釀滿了煙肉洋蔥等材料炒成的飯, 很香啊.....表皮不像中式乳豬先行處理過,所以油脂並沒有滲出,而是緊緊的鎖在內,肉質反而更嫩滑,可惜份量太多,各人也先後投降.
場內還有歌手的歌十分悅耳,初時以為是播CD....原來是真人發聲.
餐廳的環境
準備生日蛋糕, 我們可以直接入廚房內裝飾蛋糕, 今次我買咗啲貴蠟燭,
有香味同係心心嫁.
插上蠟燭, 場內播起生日歌, 我由廚房拿著蛋糕走去枱前, 這種氣氛很好, 好warm.
不過, 記得要早過隔離桌子的人order, 否則會失去那種驚喜感
其他的照片, 可以睇吓呢到:
有機會, 大家不妨試吓呢間餐廳, 成日食中, 西, 日, 法, 意, 越式,
不如試吓啲特別的菜式.
地址: 中環閣麟街46-48號地下
電話: 2851 1193
F
回覆刪除