今日之煮

   

 

今日無咩特別, 咪又係返工囉...

今日開始就做我老細比我啲數了,

做咗少少, 比咗佢過目,

好彩佢話ok, 係咁計,

不過, 我仲有好多未計呢?

我都要加把勁先得.

 

 

 

今日個心有啲唔係幾舒服,

就係知道地院有位同事的媽咪,

琴晚好突然過世,

我的同事一定好難過,

因為佢好錫佢媽咪的.

但無論如何, 我都希望佢心情快啲好啲啦.

唔好咁難過,傷心!

 

 

 

放咗工, 即刻返屋企啦,

因為我巳經諗定咗今晚食咩餸!

 

 西蘭花炒鮮魷

 

 

  蒸水蛋

 

平時我最唔識整蒸水蛋, 永遠都整得唔夠滑.

好啦, 經過上網搵吓, 見到人哋整得咁正.

一於今晚就試吓整.

yeah....終於成功, 超滑呀! 阿榮老公勁讚好味, 好滑!

 

材料:

雞蛋    4隻

370ml   有機清雞湯 或 水

蔥花     適量

做法:

(1)  先將4隻雞蛋發勻, 加入370ml的有機清雞湯/水。

(2)  將蛋汁倒入茶隔或麵粉篩，隔去幑粒和泡。

(係呢到我最愛加入蔥花拌勻在蛋汁內才蒸啊..)

(3) 碟上用耐熱保鮮紙包好，或用一隻

     較大的碟蓋好。

(4)  隔水蒸10-12分鐘，熄火。打開煲或鑊蓋,

      讓蛋在熱水上停留數分鐘. 取出, 即成.

 

打蛋時不用加鹽，以免過鹹。