想偷懶..最後都無懶到..哈

 

呢排真係超忙呀...仍然都係得個忙字及攰字.

琴晚放左工諗住返屋企煮飯的,

但係到差不多返到屋企時,

真係覺得好攰好攰...

所以決定唔煮lu, 叫阿榮老公買飯盒返嚟,

但係係到等之際, 個心又突然好想食壽司喎,

咪即刻上網去元綠個web site到,

因為佢哋有網上訂購服務呀.

當阿榮老公返到嚟, 我就話唔食飯盒lu,

我要叫壽司, 老公當然話好啦...

好好味呀....

 

 

到咗今日, 我又好懶呀,

放咗工又唔想煮飯呀, 因為實在太攰呀.

但係當諗到阿榮老公咁辛苦返工,

返到嚟又無煮家飯食, 唔煮, 又無得帶飯,

咁咪即係日日都出外食味精,

一諗到咁, 算啦, 幾攰都煮,

而且我自己都唔想再食街外嘢囉.

所以今晚就好乖咁煮咗飯,

今晚煮咗冬菜蒸鯇魚, 炒生菜及買咗少少叉燒.

 

 

另外好開心的係....我哋的日本之旅終於都成行了,

不過始終都唔可以八個人一齊去lu..

蕉蕉同佐冶都唔可以同我哋一齊去lu...

無計啦, 唯有我地遲少少攪去啲2日1夜啦,

咁我哋就可以全部人一齊去玩.

原本係我同叻叻負責訂嘢同篇行程的,

但係我呢排因為有嘢做, 無時間plan呀,

所以而家要由叻叻負責哂lu...

好彩之前我都有plan吓啲,

同搵咗啲資料, 咁我而家比哂叻叻,

加上經理話可以幫手,

而家就靠哂你哋了....

好了, 希望快啲到下個月啦.....

好期待我哋的九州之旅.