星期天自家煮

       

2008年10月18日 (星期六)

今日要返工呀, 不過好彩星期六係無咩做,

唔覺唔覺就到12半, 咁就放工了.

今日約好了阿榮老公放咗工後,

立即返鄉吓,返去見吓我媽咪同婆婆囉,

媽咪而家好鬼feel嫁, 反正而家有阿哥自己睇住嘉豪,

咁媽咪可以放心係婆婆到住耐啲,

咁我見我真係好耐無返去了, 個心成日都想返去睇吓婆婆,

咪今日的起心肝, 一於番去食餐晚飯都好呀.

就係咁...我哋就同婆婆傾吓, 食吓飯, 由返嚟香港lu...

舅母同媽咪好好呀, 買咗好多嘢比我哋攞番香港.

 

 

2008年10月19日 (星期日)

今日無咩做呀, 倆公婆都訓到成12點啦,

跟住食吓生果

,睇吓電視, 我就開始煲湯及煮中午飯了,

食過飯後, 我就當然係做家務啦, 咁阿榮咪係 到上網睇報紙.

 

          

然後大家一齊執吓嘢, 咁就巳經係下午四點幾lu...

時間真係過得好鬼快..

跟住阿榮老公梗係指定動作 ------訓晏覺啦.

  

而我咪係寫blog囉....其實都想訓埋一份, 但係好驚今晚訓唔著呀..

 

 

中午飯,有咩餸呢..

全部都係舅母買比我番嚟煮的, 啲豬腸好鬼正嫁....

炆排骨拼蒜蓉炒豬腸

蒜蓉炒油麥菜 

 

晚飯

 

花膠栗子烏雞豬骨湯

好甜,好好飲呀...

 

蒜蓉炒油麥菜+菜心

蒸'魚立'魚

 條'魚立'魚係阿哥醒的, 佢又去咗釣魚囉....超大條呀!