十年友情-得來不易！

 

呢一篇的網誌，係我寫比某幾位好朋友的，

相信佢哋睇到都知我講緊邊堆朋友。

係呀。。。。講緊你哋呀！

呢幾日發生咗一件令到我同幾位好友唔開心，

擔心，唔知點算好。，

因為我哋呢堆朋友，當中有倆位因為係E MAIL到，

因為一啲的字眼，而另到大家產生了誤會，

令到佢哋倆位大家都好嬲對方。

對於一向好重視朋友的我，及另外幾位好朋友，

見到咁的情况，真係好焦慮。

呢幾日攪到我哋幾位都無心工作，

亦都因為咁，我哋無辦法唔理，

因為件事實在係我哋咁多年的友情裡，係未曾發生過，

我亦都無諗過會有咁的一日，

所以實在令到我哋不知所措，唔知點去處理，

我哋幾位只好想盡辦法去令到件事唔好再嚴重落去，

一定要解決。

其實當中大家都係想攪好件事，大家都係只不過想講笑，

但實在想不到，真的‘言者無心，聽者有意’

無諗過你哋會有咁的反應，反感，態度。

但點都好啦，我真係想你哋大家知，

我哋係經過無數的時間去建立我的的友誼，

當中大家都係付出咗真心，真意，真誠的，

我哋唔係識咗幾日，幾星期，幾個月，

我哋係識咗十年了，係十年呀。。

如果因為一啲不必要的字眼，不必要的誤會，

而令到大家唔開心，無朋友做，值得嗎？

當中沒有誰對誰錯，真係只係一啲的誤會，

大家諗清楚啲，如果就因為咁的事令到大家唔可以做朋友，

將來你哋一定會好後悔嫁。

我真係懷疑，我哋的友誼真係咁脆弱，真係咁不堪一擊！

我哋唔再係細路仔了，我哋有思想，懂得分析，

懂得是非黑白。

我希望你哋唔好再嬲對方了，嬲一陣好了，OK。

唔好另到我哋其他人咁唔開心啦。。。

 

 

講起你哋，實在好難得，我哋不經不覺做咗十年朋友，

係呢十年的光景，我非常感激你哋，陪我走過無數的歲月，

係我最唔開心，最低落的時候，

有你哋係我身邊，陪我渡過唔開心的日子，

安慰我，支持我，鼓勵我，我實在好感激有你哋係我身邊。

係我最開心的時候，亦都好感激你哋替我高興，

分享我哋開心事。

老實講，可以識到你哋真係我的福氣，我都講過，

係呢個世界咁大，人海茫茫，

我好難得遇到你哋呢堆朋友，我哋大家志趣相投，

大家都係心地善良，重情重義的人，

大家都係攞個心出嚟交朋友的。

我好重視你哋呢堆朋友，好珍惜我哋每次的聚會，

好珍惜每次同你哋談天說地的日子，

所以我好想我哋可以做到老死朋友啊！

 

我真係好感激你哋一直以嚟的照顧，

分享我的喜，怒，哀，樂！

有你們這麼好的朋友，

實在太幸福，太幸運了！

十年友情，得來不易，

我們應該要好好珍惜這珍貴的友情！