深夜食堂煮婦同樂會第10話 - 中華冷麵

2012年8月30日(星期四)


深夜食堂煮婦同樂會第10話 - 中華冷麵

這個功課巳經過咗...不過我追番啦...因為我都好想整.

只係之前剛巧太忙, 沒有時間做這個菜式. 

加上最新的功課....麻婆豆腐, 因為要戒口關係,

所以我向會長講了, 要SKIP啊..

咁我就追番第10話啦.




這道中華冷麵, 難就不難, 只是要花點功夫及時間.

先講功夫--- 一看就知全部都要切絲, 坦白說蕭C奶的切功, 當然不合格了. 

   求求其其切到成絲就算. 

至於時間 ----  咪就係因為六款材料都要全部切絲,

    可想而知, 要花點時間啦.

係切功方面, 當然最好是可以練習多點, 切多一點, 他日必然有所進步.

如想方便, 又唔想練...嘻...就要買一些切絲的工具幫手了.

而我會選擇如何呢.....當然是...........後者啦...不過未去買囉....
(好貴嫁><, 諗諗先!!)

做冷麵好多時候, 我個人認為 '冷麵汁'  是全道菜的靈魂

因為冷麵通常比較淡味, 可以話係完全無味,

就是要靠那個 '冷麵汁'   來帶動好味與否

不知大家認同嗎?

之前也做過冷麵這菜式, 但大多數我為求方便,

都會在超市裡買'冷麵汁'

回家只需要加點冷開水就可以用了.

或煮用芝麻醬.

這次我參考了同樂會其中一位成員 --  MRS HORSE

她用了柚子醋來調出'冷麵汁,

柚子酸酸的, 很適合SUMMER, 夠開胃

所以我就參照了MRS HORSE的方法去做

嘩...果然非常好味.

謝謝MRS HORSE的分享 ^^

先看看蕭C奶準備了甚麼材料啊:

冷麵   兩束

蕃茄   2個
蟹柳   4條
青瓜   半條
甘筍    半條
火腿    2片
蛋    2隻



柚子'冷麵汁' 的做法:  (我自行把原本的份量自行調配)

柚子醋  6 湯匙

鰹魚汁 半湯匙

日本豉油   半湯匙

冷開水     3 湯匙

檸檬汁   少許

麻油    少許

芝麻     少許

糖    少許


調較汁料時, 自行因應自己的口味而加減份量啊...

例如:  若太咸太酸, 可以試著加多少許糖, 再試味.

總之就調較到你自己心目中的味道啦!!!

**還有一點, 按照mrs horse的做法, 調較好的汁, 先放入雪櫃,

   這樣就可以保持冷凍啊..吃時會更美味^^

做法: 

冷麵 ---  購買你喜歡的就可以了.

我這包是有其他色的, 

先行按照包裝上的說明, 把冷麵煮好, 用冰水過冷河, 盛去多餘水份,

把冷麵放入雪櫃, 保持冷凍, 備用.

**怕冷麵痴埋一團, 可以加入少許麻油拌勻, 以防黏成一團,

但我沒有這樣做.  因為我認為冷麵這道菜, 應為清淡, 不應有油.

我反而是在臨上碟前, 用少許冷開水拌勻, 這樣冷麵即時會一條一條分開,

這時你就要快手, 把冷麵放到碟上啊...

至於蛋絲, 我又學到新嘢, mrs horse教的,

原來雞蛋加入少許生粉打勻, 目的是令煎完的蛋皮可以較易切成幼絲

還有雞蛋加入少許鰹魚粉調味, 因為我無鰹魚粉, 我就加了數滴鰹魚汁.





嘻....一見就知蕭c奶又有新玩具玩lu....

這個長方形煎蛋pan, 係12蚊店的, 平靚正.

今晚終於有得玩了...




可能係因為雞蛋加入了生粉啊...煎時都好實正,

煎完一邊, 要返去另一邊, 唔會散嫁

係成塊嫁...好好玩呀...

因為我用咗呢個pan, 所以我分咗兩次煎的.




煎好就可以切絲了,

真係好容易切絲, 唔會爛.

very good   !!!





至於青瓜, 甘筍, 洗淨切絲後, 我用了少許熱水略浸了十數秒, 拿起,

再用冰冷的冷開水沖至材料沒有熱度, 吸乾水份, 備用.

火腿我就先行在鍋中略煎幾秒, 然後吸乾水份, 切絲, 備用.

蟹柳用冷開水沖吓, 吸乾水份, 整成絲, 備用.

蕃茄洗淨, 切件, 備用.

所有材料都準備妥當後,

把冷麵先行放在碟上,

 

然後就一一的把所有材料鋪在冷麵上, 咁就完成嫁了...

係咪都好easy呢...只要肯花一點時間去準備所有功夫, 就ok嫁了.




然後拌柚子冷麵汁享用, 即可!!

看看其他成員的作品:

Helen 的方家小廚




OL醉愛廚房




Sally Ho 莎莉豪




Ying Ying
 

為食二人組組員




鬼嫁




Mrs Horse




Viviana 英倫廚房筆記
 

黃金太太的廚房事




WongC9




:+:+:涼粉子:+:+:




Sugarmama




Ka Ka@Serendipity
 
流小妹
 


芝士




Jo 姐姐
 


偽主婦ki琪


Mrs Bear Cooks
 

噹噹