三個女人一個墟演唱會

 

2009年10月21日(星期三)

 

話說上個星期先知呢三位巨星開演唱會

蕭C奶突然好想睇

因為覺得呢啲前輩級的歌星

年紀都唔細了，心諗真係有睇好睇了

因為世事難料

蕭C奶唔係悲觀，只係覺得可以親眼睇到佢哋的現場演出

實在難得，真係好想一賭她們的風采!

而且因為小時, 爸B及媽咪經常都聽她們的歌,

所以蕭C奶由細到大都聽慣了

加上以前的作詞作曲家真係很厲害

所有的舊歌,直到而家聽番, 都係咁好聽, 咁有FEEL啊

好想帶媽咪及奶奶去觀看呢!

 

可惜,奶奶因為腰骨痛, 不能出席,

只好立時找了好友 '愛麗詩' 來一齊觀看

 

本來蕭C奶係自己上網買票的

咁遲先買票, 最貴的一定無哂好位置啦

唯有買山頂位啦, 好可惜...山頂位無連位了

全都是單丁位, 正當蕭C奶煩緊位置的問題時

好友靚女昭走過, 見蕭C奶PRINT咗個紅館SEAT TABLE

問蕭C奶睇咩呀???

咁蕭C奶回答: 想睇三個女人一個墟囉...不過無哂平飛,

貴飛一定比人買哂啲好位啦...

嘻嘻....靚女昭見到咁的情況, 話幫蕭C奶攞唔攞到飛.

本來唔想打攪靚女昭嫁, 因為佢最近唔係好舒服,

蕭C奶唔想佢操心..BUT 靚女昭人又靚心地又好,

佢又點忍心見到蕭C奶咁苦惱呢?

最終係.....超級感謝靚女昭啦...佢送咗三張

貴飛比蕭C奶, 仲要係第三行, 真係感激萬分!

真係好開心呀, 好耐都無睇咁前的演唱會了.

媽咪好開心呀, 因為可以坐到咁前, 勁HAPPY!

 

趁未開場, 影吓個台先!

唔錯, 簡簡單單, 個台又唔高, 我哋坐第三行, 睇得好舒服.

由於開四面台, 近我哋的多數都係Ms Chan Chan (陳潔靈)

係我哋呢邊出場, 另外兩邊角位就分別係肥媽及葉麗儀了

Ms Chan Chan KEEP 得好好呀, 佢雖然係細細粒,

不過都好有台型呀.

Ms Chan Chan 著咗對勁高的高跟鞋

可以係個台到四圍走, 好勁呀.

跟住肥媽走到埋嚟, 嘩...肥媽把聲真係勁勁勁大聲

表情多多,好鬼風趣, 有時唱到有啲位,

肥媽真係將個咪拉到好低,都仲好大聲呀..

蕭C奶覺得肥媽呢條裙好靚, 顏色好襯肥媽

Ms Chan Chan 突然係蕭C奶隔離出現

差啲影唔切相呀..

 

Ms Chan Chan 呢套黑色閃衫, 好襯佢

同埋佢真係好FIT囉...

葉麗儀小姐...唉..點解咁遠...

因為葉小姐經常都唔行過嚟我哋到呀

葉麗儀就憶述《上海灘》於08年在上海領取「世紀金曲」獎，

又獲頒「終生成就」獎令她愕然，因尚未退休，

後來發現兩個獎均沒有刻上名字，

同行的丈夫笑說如果她不來可頒給其他人，惹得全場大笑。

肥媽之後都換咗一件勁閃的旗袍, 唔好睇佢咁肥啫啫

著得好好睇, 仲有ms chan chan條銀閃裙, 好靚啊...

仲有葉麗儀小姐又係keep得好fit, 不過佢都有個小小肚腩仔嫁

好高貴啊...其實佢哋唱咗好多首經典金曲

不過蕭c奶只識唱, 唔識啲歌名

Ms Chan Chan 好投入啊...

只可以影到背面咋

 

 

原來就快到葉麗儀小姐生日

Ms Chan Chan 及肥媽一早準備咗生日蛋糕

送比葉小姐啊...

Ms Chan Chan 帶動樂隊及現場觀眾唱生日歌

燿榮叔仲送上一束鮮花給葉小姐添

Ms Chan Chan 跟住要求全場觀場清唱生日歌送比葉麗儀小姐

最後三個女人唱了多首劇集主堤曲

 

三人合唱連串70至80年代金曲，向黃霑、顧嘉輝和羅文致敬作完場時，

更感觸得攬作一團哭了出來。

三個女人向在坐各位揮手, 結束了今晚的演唱會啊...

 

嘩...其實好唔捨得走嫁...不過都唱到成十一點半了...

呢個演唱會, 除咗唱歌

佢哋三人仲好似talk show咁嫁

講吓笑, 尤其係肥媽, 真係好鬼風趣,

有佢係到真係好好笑, 好好玩.

而且蕭c奶最開心係可以

有幸親耳聽到葉麗儀小姐唱 '上海灘'

真係好好聽, 無人能及.

仲有 Ms Chan Chan呀, 佢真係唱得好投入好有感情

肥媽雖然唔係我杯茶, but我欣賞佢talk 得 攪笑囉.

三個女人分別都各具特色

真係唱得之人, 完全都唔駛氣的

現今的歌星, 真係要好好向前輩學習

亦都要好好咁加把勁lu....