日式豬舌生麵定食@沖繩料理

 

2009年10月23日(星期五)

 

今早蕭c奶約了看中醫

睇完都中午十二點幾了

又要煲藥, 所以打了電話回office

向老闆請了一天病假啊...

 

oh.....今日開始又要同中藥為伴了

仲要同生冷食物絕交啊...

無得食bbq, 煎炸嘢, 刺身等等

仲要做運動, 早睡早起喎....

要忍口了....就當keep fit吧啦.

 

橫掂聽日唔駛帶飯

今晚得兩個人, 又係簡簡單單煮個麵

 

日式豬舌生麵定食

 

海澡沙律, 係吉之島的北海道食品節買的

豬舌好爽口, 好入味

係沖繩時買的兩款豬舌, 只需要用滾水加熱, 就可以切件享用

今日蕭c奶只吃了右邊的原味豬舌

之前食咗兩款嫁了....係沖繩買的生麵

今次擇咗呢款...

 

係吉之島買的芝麻醬, 係沖繩時, 係座間味島到間民宿到

日日都食個沙律菜, 又係用芝麻醬, 好好味

返到嚟香港...嘻嘻....蕭c奶都忍唔住要買...

就係呢包了, 海澡沙律, 係吉之島買的

盛惠 38元一包, 阿姐話一包可以分四至五次食

因為只需要小小, 浸開咗, 會發大, 會好多嫁

蕭c奶攞咗小小啫...

阿姐教, 只需要加凍滾水浸發一會

睇吓...好快就發大咗了, 又真係幾多喎

唔要啲水, 加上沙律醬就食得了, 好方便, 而且仲好健康添.

咁就食完一餐日式餐呀...

快手食完, 洗好碗,

坐定定睇台慶劇呀!

而且仲要早啲瞓

聽日要返工啊...