沖繩苦瓜@沖繩料理

2009年10月9日(星期五)

 

琴晚因為同少爺去咗觀賞

詹瑞文的港男港女

今晚先可以煮到飯

其實星期三個日好想煮沖繩苦瓜

BUT遲咗放工, 街市咩都無, 所以無煮囉..

 

哈哈..今晚終於可以煮了

係沖繩期間, 有幾日我哋都食苦瓜

因為沖繩出名苦瓜呀嘛

咁我哋都發現到, 間間食店的煮法都係一樣

材料都係嗰4樣, 就係

沖繩苦瓜, 午餐肉, 蛋及豆腐

所以蕭C奶係沖繩買咗兩條苦瓜返嚟香港

買番以上的材料, 試煮吓

 

當然唔知人哋落咗咩調味料啦

蕭C奶須然唔係煮到一模一樣味道

不過都好食喎....

 

沖繩苦瓜

其實同香港的差不多, 不過個苦味係有啲唔同

沖繩苦瓜表面的一粒粒, 蕭C奶覺比香港的苦瓜細而密

蕭C奶又學佢哋切到薄一薄咁

煮好了...其實無難到囉

蕭C奶就先將豆腐及午餐肉煎一煎

然後先炒苦瓜及蛋, 再將以上材料回鑊炒

就係咁, 將全部材料炒埋一碟

咁就完成了... 當然係沖繩食的苦瓜多,

其他材料係少少, 不過而家返到香港

我無可能用一半午餐肉, 一半豆腐嫁嘛

係咪先....

沖繩的苦瓜比較爽口啲,

連少爺一向唔鐘意食苦瓜的

去完沖繩後, 都食到苦甘味...太好了

 

以下幾張圖, 都係我哋係沖繩時食的苦瓜

可以用嚟同蕭C奶煮的作個比較

其實蕭C奶炒出嚟的賣相, 都幾靚仔嫁....

食時, 同少爺又係係到回味

我哋的沖繩之旅

係沖繩到食咗幾次苦瓜

最好食..就係最尾個張

係我哋去到恩納, 幫襯一間沖繩家庭料理

係由一位七十四歲的阿婆炒的,

阿婆真係炒得好有家庭FEEL 

而且仲好好味添呀.

係沖繩到食過最好味的餸菜.