沖繩生麵@沖繩料理

2009年10月7日(星期三)

 

真係好唔想返工呀

今日係第三日返工了

都係唔慣囉, 要咁早起身, 又要趕車趕時間

又要返回現實LU...嗚嗚嗚....

努力再儲過錢,明年再向日本出發.

 

今日因為遲咗放工

返到屋企的街市, 咩都收哂

想買魚, 魚檔巳經進行清潔

最大問題係, 最想買豆腐, 因為用嚟煮沖繩苦瓜,

咁無法啦..

只係買到斤菜, 咁淨係食菜...

諗吓諗吓, 係沖繩時買咗好多沖繩生麵

係..大家無睇錯, 係買咗好多好多..

 

(講個秘密你哋知...蕭C奶係麵痴,

超級愛粉麵, 今次去到沖繩, 為免好似上次去九洲時,

怕太重, 怕太多, 而只買了兩包九洲麵, 返到嚟香港,

後悔屎呀, 所以今次蕭C奶唔會再 '重蹈覆轍', 哈哈.

所以勁入貨, 蕭少爺都不知幾SUPPORT.)

 

好..一於今晚就煮嚟試食吓

今晚選了這款沖繩生麵,

係蕭C奶同少爺係國際通其中一間

細細間的超市買的, 仲有特價,

而且最後幾包都比蕭C奶殺埋

其實蕭C奶仲想買多幾包嫁..BUT無哂貨LU..

蕭C奶講明, 今日要去國際通的100日元店,

去親日本一定要去100日元店呀...平靚正.

就係咁...蕭C奶就買咗以下兩個日本定食碗連蓋

係香港巳經好想買嫁了...不過忍手無買...

今晚真係好清呀...蕭C奶只係放咗啲蔥花咋

但係因為本身個麵靚的關係,

咩餸都無, 都巳經好好食

沖繩的麵同九洲又唔同喎

沖繩麵係扁扁哋, 好滑, 個質感就實啲

唔係爽口嗰種

唔好睇個包裝好細包咁,

煮咗出嚟, 連少爺都問煮咗幾多個

好滿足, 好滿足...當然下次有足夠時間,

蕭C奶會煮埋配菜 - 扮真正係沖繩時食的一樣

下次要買豬腩肉或豬手先得...

 

日本的麵真係好難搵到唔好食

今次蕭C奶返香港真係有排食LU....

各位朋友仔, 若果第時去日本,

咩手信都唔駛買比蕭C奶,

淨係買麵比我就得嫁了...

 

同場加映, 咪就係只係街市買到的莧菜囉...

 

同少爺一路食一路講番係沖繩的點滈

回味當時食沖繩麵的滋味

好滿足好滿足呀....呢一餐!