蕭c奶的而且確係一位
百分百的 '麵痴'
蕭c奶平時都巳經係成日買麵
今次去到日本沖繩
超級痴, 巳經買咗好多好多
真係尤排食
到咗謝主任及蕉蕉去北海道
佢哋問蕭c奶有咩想買???
蕭c奶好自然咁講: 麵囉.
佢哋返咗嚟香港了...
yeah...真係幫我買咗麵喎.
就係呢一盒了...
好高貴喎...仲有三款北海道的地方風味
一盒三款風味, 每包仲係足夠2人用
睇清楚啲, 都幾特別喎...
叫做 '低溫熟成乾燥麵'
唔知個麵質點嫁呢....遲啲試食咗, 再話比大家聽.
收到好友謝主任及蕉蕉的北海道麵
又一驚喜了...
就係....好友 '叻叻' 送給我的 '稻庭烏冬'
再加埋支超正的source添
話說, 叻叻早前去到一間日本料理店
食過店鋪的烏冬及source, 覺得好好味
原來店內有得買
所以叻叻就買咗一set嚟送給蕭c奶
嘩....包烏冬都幾貴, 成60蚊一包
一定要好好品嚐
都係果句, 試完話比大家聽, 好唔好味啦.
多謝你哋呀.....
蕭c奶好開心呀...有咁多正麵
超級滿足啊.
自從上年去日本九州時
好友 '叻叻' 介紹蕭C奶買
呢款充滿蕃茄味又辣辣哋的杯麵
(Chili TOMATO@合味道杯麵)
食過之後...一直對它念念不忘
係香港搵咗好多地方
暫時都未有得買
只有其它的味道, 就係呢款蕃茄辣味就無得買
所以一直都對身邊的朋友介紹
如果有機會去日本, 一定要買試食呀
到咗今次蕭C奶同少爺沖繩
都不忘在所有的Family Mark 搵過都未有發現
哈哈...直到我哋係名護的一間超市到
竟然被蕭c奶見到有得買
仲係只淨番五杯咋....
呵呵..蕭c奶當然係全部要哂啦
謝主任及蕉蕉見蕭c奶買得咁爽
隨口問: 好好食嫁.
蕭c奶答: 係呀, 真係好好味嫁. 唉, 見係你哋咋,
割愛讓一杯比你啦.......
謝主任回答: 嘩...咁多謝哂喎!
大家認住佢了
有機會真係要買啊...
當然最好係...買埋比蕭c奶啦...
打開之後, 個樣同一般的杯麵無咩分別
都係有啲粟米, 蔥, 但係就有啲蕃茄乾呀
大家認住佢了
見唔見呀....有蕃茄呀...嘻嘻...
好大份量嫁, 平時蕭c奶食杯麵, 啲湯多數都唔會飲的,
但係呢款...忍唔到口囉.
因為個湯有蕃茄的酸酸哋味,
再加上仲要有少少辣辣哋,
好好飲, 好開胃嫁.
上年去九州時買的係好大杯
係沖繩到買的只見細杯
大杯的份量真係好夠食, 好飽嫁,
男士都會覺得夠食.
記住了, 有大size, 有細size
希望你哋日後去日本時不妨試吓.
仲有如果大家係香港見到有得買,
唔該同知蕭c奶一聲呀....
thank you so much!
最近蕭c奶又為相機而煩
蕭c奶承認自己的而且確好煩
好麻煩
點解買部相機都咁麻煩呢
無他...都係因為價錢的問題是也
蕭c奶唔係有錢之人
所以真係要好好想清楚
才可以下決定啊...
唉....早前好想買部單鏡反光相機
but去完沖繩之後
發現部DC仔開始出現問題
唔多掂了
咁即係話蕭c奶將會無咗一部輕便的相機
唉...攪到而家唔上唔落咁
點呢....買咩好呢
最近諗深一層
都未必買單鐘反光相機
因為始終係大部
蕭c奶好認真咁諗
平時好多時都係放係手袋到
所以輕便度呢一點最為重要
其次是價錢
所以蕭c奶心目中應該有點兒頭緒了
最近Panasonic GF1真係好正
好輕便而又係DSLR的質素
不過好貴呢..成七千幾呀...
蕭c奶其實最近考慮緊
買番至愛品牌
Canon
佢出咗部G11
唔知大家有咩意見呢....
2009年10月26日(星期一)
今日少爺一早約咗教車師父學車
咁蕭c奶成朝早就係到攪blog了
嘩...只係出咗一個blog, 仲要係旅行的早上的相
寫吓寫吓..又整吓啲相..咁就幾個鐘了
到咗兩點, 少爺打番嚟, 話返緊屋企
咁約好咗少爺返嚟食個下午茶餐先...
之後買定排骨及廋肉
因為琴日醫師教我煲一款湯水比少爺飲
只得少爺飲嫁咋, 蕭c奶無份!
蒜蓉豆豉蒸排骨
材料:
半肥瘦排骨 30蚊、豆豉 蒜頭 適量及切粒、指天椒 2隻（切粒）
醃料：
生抽 2湯匙、老抽 1湯匙、糖 1/2茶匙、麻油/生粉/油各適量
做法:
1.將豆豉浸水洗淨，瀝乾後舂爛，加蒜粒拌勻。
2.排骨洗淨後加醃料及（ 1）拌勻，醃 30分鐘，然後加入指天椒粒拌勻。
3.煲滾水，放入排骨，用大火隔水蒸 15分鐘即成。
灼菜心
蒸大眼雞魚
星期日嗰日, 我哋去咗荃灣到
經過咗民豐, 勁多人呀
買咗兩款細盒的雲吞及水餃
都只係41元, 一盒有15隻
真係好好味
上次蕉蕉佢哋買咗兩盒
今次蕭c奶買咗
冬菇菜肉雲吞及韮菜水餃
分咗兩餐食.....好味呀...下次叫少爺再買
最近蕭c奶好開心啊
收到兩份好鐘意的禮物
第一份係......潤唇膏
係好友 '叻叻' 送贈
有次見佢用呢個牌子的潤唇膏
叻叻話好好用喎...
叻叻個支係佢朋友係飛機到買嚟送比佢的
咁我自己有次去L'OCCITANE到
問個職員, 佢又話無得買喎.....
哈...點知....前幾日
叻叻話佢買咗兩支
一支送比佢家姐, 一支就送比蕭C奶了
YEAH.....有得用了....
多謝您呀..叻叻..
至於第二份呢....就係...烹飪書呀...
早前去咗 '米米' 到
蕭C奶因為預咗沖繩手信比 '米米'
一直未有時間走去銅鑼灣搵佢
於是早前終於有時間了
一於比個驚喜米米啦...
去到佢的書局...蕭C奶順道買咗兩本書籍送給朋友仔
呢個 '米米' 呢....真係鬼屎咁客氣又好人呀..
送咗一本 由馮美基著寫的 最愛, 宴客 烹飪書比蕭C奶
嘩.....正呀...呢本真係好好
以為馮美基的餸菜好難整
睇咗之後, 原來自己都可以跟到佢整嫁.
一於搵次要係佢到整番幾個靚餸先得.
多謝您呀....米米...我又多本正嘢係屋企扮嘢了..
2009年9月25日(星期五)
沖繩十天自駕遊之旅@DAY 2
(第一牧志公設市場)
琴晚到步沖繩, 出咗去國際通到食咗晚飯後
稍為行咗一陣, 我哋四人就早點回酒店休息及執拾好
今日到座間味島的三日兩夜的行李
約好今早九點左右食早餐
酒店餐廳的早餐, 款式不算多
有玄米粥, 各款日本人至愛的漬物, 炒蛋, 三文魚,
香蕉, 沙律, 西蘭花, 焗麵包及咖啡或茶
酒店餐廳內有上網服務, 少爺唔係玩大富翁,
係係到CHECK去座間味島的我哋住的民宿位置
及船時間. 右下角的係蕭C奶的早餐啊...
餐廳的環境, 不算濶大, 不過挺舒適的.
吃過早餐, 我哋四人就出發去買船票了
超攪笑, 我哋去到酒店RECEIPTION, 以為買船票的地方
離酒店有一段距離, 我哋就同職員講, 想遲多一個小時CHECK OUT
我哋講的時候, 職員都有少少奇怪, 不過因為大家都有時唔明大家的意思
職員都答應咗我哋的要求....
當我哋要去搵買船票的地方....四個傻瓜發現,
原來買船票的地方只係係....係....係我哋間酒店隔離咋.....
車.....笑到我哋四個....仲以為要走一段時間..
早知係咁..我哋坐早船啦....
因為去座間味島的快船, 只得兩班,
一係早上9點或下午的4:30
我哋四人都唔想咁早, 所以之前商量好坐下午船囉...
又諗住唔知買船票的位置喎...先擇下午囉...
就係係到買船票了
嘩.....睇吓...船票幾多錢...一個人5970日元(來回船票)
即係港幣500元多少少呀....嘩....
四個人淨係買船票都成2千幾蚊了....哈哈....
買完船票, 我哋就係碼頭到行一陣
望望碼頭的環境
之後我哋就去到碼頭的鋪頭行吓
四人見到呢個古時代的游泳鏡, 覺得好有趣
就攞咗嚟影相留念
蕉蕉仲加多頂帽添...
蕉蕉及謝主任係到擇緊蛙鞋時
蕭C奶同少爺無嘢買, 無嘢做, 咪係間SHOP到係咁
攞人哋啲帽呀, 潛水鏡嚟玩囉....
謝主任見到呢個防水相機袋, 見議少爺買番個,
等我哋去到座間味島玩浮潛時, 可以帶埋部相機影魚仔
都好喎....咁我哋就買咗呢個防水袋了, 都唔平要三百幾蚊港幣
好了, 大家都有收穫, 買完嘢, 我哋就返酒店到CHECK OUT
我哋將大件行李KEEP係酒店到, 同佢哋講後日下午會返嚟攞走
真係正呀, 咁我哋去三日兩夜的座間味島, 咪唔駛攞哂全部行李囉
因為我哋下午先坐船, 所以而家時間仲早, 我哋四人決定
去 '第一牧志公設市場' , 呢個市場係專買海鮮及刺身的市場
書本介紹一定要嚟呢個市場到食刺身及海鮮啊...
咁我哋搵得嚟, 都差不多到食LUNCH時間, 正....出發
點知行行吓....落雨喎...沖繩的天氣係好特別的
行行吓會落雨, 但係佢只會落一陣, 跟住就唔落嫁了
就好似過雲雨咁囉.
睇吓, 天陰陰, 無太陽呀....
睇張相唔似好大雨, 但係蕭C奶想話比你哋知, 其實啲雨水係好大粒
係唔可以再行, 所以我哋好唔好意思咁, 咁橋行到去一間咖喱店前停低
我哋都唔想嫁, 不過真係無其他地方了. 跟住咖喱店入面有位女職員
開咗門, 同我哋講, 雨大, 不如入嚟坐陣,呢個女仔好好人,
佢仲同我哋講係唔駛我哋叫任何食物, 等雨細啲或者停咗, 先走啦
嘩...當時真係令到我哋好感動, 間值係有雪中送炭的感覺.
佢仲同其他職員講, 唔駛問我哋要咩, 佢仲送來了每人一杯水添...
嘩..如果係香港, 啲老細睬你都傻啦, 仲唔趕你走咩...
之後我哋四人商量, 好唔好意思, 不如係咁而都叫兩杯飲品及小食啦
點知正當我哋想落ORDER之際, 雨停下來了....
所以我哋四人向那女職員示意感謝後, 就離開了
繼續出發去第一牧志公設市場
這是沿途的環境, 我哋走過日本的住宅區
搵嚟搵去, 見有啲唔對路, 我哋又買吓人
唉...又係做咗傻瓜, 比個地圖點咗我哋行冤枉路囉
其實只不過係國際通的其中一條通道穿過就到.....
哈哈....個地點真係..真係...比佢激屎...不過都開心的
反正係自遊行, 大把時間啦...
終於都見到寫住 '公設市場' 的通道了
YEAH.....快啲快啲...開始肚餓添
見到啲生果檔, 蕉蕉提議不如先買小小生果
攞去座間味島到食, 都好喎...所以我哋就停吓來買生果了
終於都行番出嚟國際通了
終於都見到了....見到個入口處
入去了....
第一牧志公設市場內,
有海鮮檔及乾貨檔
睇吓..有好多海葡萄售買呀...
仲有呢啲一包包的都係海藻嚟嫁
左擇右擇之吓, 突然有位講普通話的嬸嬸問我哋係咪嚟食刺身喎
蕭C奶答佢, 係呀. 跟住佢就同我哋四位介紹啲海鮮了
見到左上角張點嗎....佢叫做夜光貝, 係用作刺身食
好爽口, 鮮甜喎. 嘩...好大個呀, 我哋都未見過, 一定要食啦
跟住要了一條魚, 每人一隻大蝦, 仲有要咗個盤刺身添
勁大隻的夜光貝...好重呀
其實都有老公個頭咁大嫁....嘻嘻
原來第一牧志公設市場係有兩層的
地下為購買海鮮的地方, 客人擇好後, 職員會帶客人到上層,
原來上層為餐廳地方, 餐廳會同海鮮檔有聯繫的
所以唔好以為擇咗頭先果啲海鮮就算了
嚟到餐廳點都會要飲品及其他食品
我哋四人要來了一客苦瓜炒蛋及炒野菜
人多食嘢就最好不過了, 可以嘗試食咗多幾款食物呢!
係我哋落單的時候, 見個女待應唔係用筆同紙落ORDER
八八卦卦的我哋, 問佢...嘩...勁呀...大家睇吓
人哋係同電子用品落單嫁....呢到係大排檔FEEL喎...
用啲咁先進的嚟落單...勁呀...
呢一餐, 真係平都笑呀....
睇吓..我哋叫咗咁多嘢食...都只不過係4100日元
即係港幣350元咋....每位都係100蚊唔駛喎.
但唔好忘記我哋係叫咗一盤刺身
及一個夜光貝刺身喎...未計其他了...真係抵食到爛呀..
係香港點搵呀....唔食真係對唔住自己啦...
刺身盤 --- 各式魚類, 唔係香港的CHEAP三文魚及吞拿魚,
係沖繩的魚類, 好新鮮, 夠鮮甜, 真係未食過
燒大蝦 --- 好多膏添, 夠JUICY
野菜定食 - 普普通通啦, 只係大家都想食點菜
苦瓜炒蛋 --- 沖繩最出名的苦瓜, 所以琴晚食完, 今日又再食,
今次呢間的苦瓜比較清甜, 唔係太苦, 好喜歡呢.
主角到了....
夜光貝刺身 及 海葡萄 - 兩樣都係沖繩的特產
夜光貝 --- 肉質爽口, 鮮甜
海葡萄 --- 好特別, 好似啲蟹籽咁, 咬落爽爽聲, 帶少少咸味,
係海藻其中一種, 好健康的食物
燒魚 --- 一般, 麻麻哋, 無咩不語LU
謝主任的 --- 拉麵
當然要係食店到影吓相啦...
睇吓我地個胃食樣...
少爺超攪笑, 好有創意喎...用個大蝦當電話用
我哋食哂個夜光貝刺身了, 比個殼你哋睇吓啦...
最後個夜光貝殼我哋打包咗, 帶咗返香港添呀...嘻嘻
海葡萄的近鏡...
夜光貝刺身
新鮮有光澤, 仲好爽口鮮甜添
食完一個咁豐富的午餐後, 我哋就落返去地下,
呢個市場除咗出名有海鮮檔外, 仲有乾貨及豬肉添
每間豬肉店都有各式各樣的豬肉產品
呢邊就買啲乾貨類, 漬物, 小食, 醬油, 調味料, 生麵, 糖果等等
呢到的豬肉檔, 機乎每一檔都有一隻咁樣的豬頭攞設
其實都嚇人, 呢檔仲加埋啲花花..勁攪笑.
睇吓啲豬肉, 好似特別靚啲咁...
仲有各式各樣的海藻添呀..
跟住我哋離開咗第一牧志公設市場,
走出咗啲店鋪到行吓...
而...少爺係到做咩呢??
原來係見到有小食...胃食少爺嚟了...
原來係到攞錢出嚟買嘢.....
見到有幾款, 但係紅豆沙的淨番一串
咁應該係最好食掛...嘻嘻
所以少爺都擇咗呢款....結果係...
真係好好食, 最怕甜的蕭C奶都覺得好好食
因為甜味適中, 真係無買錯呀.
行行吓, 仲見到有苦瓜買添...
嘻嘻...今日唔買住, 返香港時...我會帶你哋返香港嫁..
好了...我哋係時候返酒店攞行李了
因為差不多夠鐘要去碼頭了
下回繼續我哋的行程
OK.
