麻麻哋的藍莓muffin

 

2009年7月17日(星期五)

 

琴晚蕭C奶又整香蕉cake

因為今晚約咗一堆朋友仔打邊爐啊

呢堆朋友仔好耐無見

想請佢哋食吓囉...

原本答應咗jordy今晚打邊爐

整藍莓muffin的

咁我都有整...只可惜蕭C奶貪得意

用咗第二個方法整...

唔好食呀...蕭C奶個人認為唔好食囉..

因為焗的時候巳經聞到嗰種肉桂味

好難頂呀...心諗一定唔好食...

(蕭C奶一路焗一路好後悔用咗第二個方法)

而朋友仔jordy, 係一個比較識食的人

所以決定唔會送比佢了

將佢的quota比第二個先...嘻嘻

睇吓...一啲都唔似係藍莓muffin,

仲有呀...個樣又唔靚, 個色又唔得..唉....超失敗

我發誓以後都唔會再用呢個食譜呀

仲有我以後唔會用肉桂粉呀...

仲有仲有...以後都唔會再用呢款入爐杯呀...

又唔靚焗完又油淋淋咁...一啲美感都無呀...

所以今次係徹底失敗及超超超唔滿意呀.....

原本諗住整好味又靚的藍莓muffin請gigi呢堆同事食

而家...唯有梗著頭皮都要請佢哋嚟試食啦.

蕭C奶知道呢堆同事好好的

就算唔係幾好食.佢哋都會就住嚟講...

但係對於一個有要求的人嚟講

呢堆真係唔合格..係好唔得呀...

哈哈...今次幫阿慶又換咗個new look....呵呵...

長毛呀.. (梁國雄議員?????)....仲口大添呀

當蕭C奶話今次唔好食嫁...希望你哋唔好介意啦..

佢哋問點解唔好食..跟住我詳細講咗....

阿慶一聽到有肉桂味..佢話...佢like喎....

嗯..蕭C奶都知每個人口味唔同...不過..都係嗰句啦..

本人不愛它的味....整的人都唔like....咁整的人會整得唔開心嫁

咁樣出嚟的貨品都會係唔好食囉...

呢張相阿慶又變咗身了...

呢個係MJ look 喎......唔係MK look呀...

好型仔啊...我哋六位變咗佢的最佳dancer...哈哈...

阿英最好老實, 食完都話麻麻哋, 唔係幾好食....

而阿慶就話ok喎, 因為佢like肉桂, 所覺得味道ok, 不過就唔夠鬆囉

而shirley及mandy就話可以接受, 都係ok, 唔係蕭C奶講得咁難食

不過...佢哋食過琴日的香蕉muffin/cake, 異口同聲都話

香蕉muffin係超好味啊...

多謝您哋比面啦....仲口下留情添呀

仲有唔介意食失敗之作

蕭C奶都係自己知自己事

蕭C奶做到一百分

,     唔要ok分呀...

所以蕭C奶一定要再整過真正超美味的藍莓muffin

比大家食....

 

 

今日係同事Ada姐姐的生日正日

琴日中午lunch我哋同ada姐去咗我哋的buffet飯堂到為慶祝

buffet飯堂----港島香格里拉酒店--cafe two

真係我哋的飯堂啊....成日都去....我哋好富貴嫁....

cafe two真係保持住水準...佢呀, 日日都咁多人

無論午市或晚市

食咗咁多年, 都一直保持水準, 所以成為咗我哋的飯堂

ada 姐佢好鬼客氣呀...

生日之星都自己訂定個birthday cake

ada姐姐訂了美心的意大利芝士餅Tiramisu

佢話好好食嫁喎....一於試吓先

靚就幾靚, 個cream好似好滑咁...好有期望

不過...唔係蕭C奶自己又再讚自己呀

講真外表就好像樣, 但係內裡就一啲Tiramisu的味都無

如果要比分---會比3分...哈哈..

因為真正的Tiramisu係有少少酒味的

而佢一啲酒味都無, 仲有得個甜字

個質感又唔係話好滑....

唔掂...都係自己整好食好多...

 

 

好了.....做好哂嘢...等放工

同朋友仔嘆打邊爐.....

bye bye